【悲情】《鐵探》- Bingo最後都係要死係萬晞華手下!?

前晚的《鐵探》先講到垶Sir(袁偉豪)差D俾連環姦殺犯「埋單」,好彩得「快活谷」谷永正(梁競徽飾)(前名梁烈唯)及時阻止,但其實又唔係得「快活谷」一個阻止,因為佢女朋友Iris陸蔚喬(蔣祖曼飾)都係現場。佢係個連環姦殺犯諗住逃走的時候就「活捉」左佢。雖然垶Sir同阿怡(王君馨飾)好彩無事,但尋晚個集就到另一個角色「埋單」,佢就係一直穿插黑白之間的Bingo(姜皓文飾)!


讀者可以參考以上片段。Bingo自從個次警方用正龍(楊潮凱飾)做餌去捉營長(吳廷燁飾)的行動衰左之後,佢就一直被警方拘留。Bingo知道自己一定會成為營長的報復對象,所以佢係扣留期間就一直託阿Kay鄺泳莎(鄧佩儀飾)幫佢傳個信息俾垶Sir,目的就係想垶Sir用佢自己做餌去引營長現身,叫做補償番俾佢。不過,阿Kay都知道佢的目的,所以佢都無照Bingo的意思去做,反而佢帶嫻姨(盧宛茵飾)去見佢。Bingo係呢個環境下,再加埋阿Kay係隔離幫手解釋,嫻姨終於知道個仔唔單止係一個警察,同時佢係一個臥底(可惜今次已經係佢地見的最後一面啦!!)


Madam Man萬晞華(惠英紅飾)為求捉到營長,同時幫自己兩個仔報仇,佢就決定用Bingo做餌去引營長出黎,不過行動唔成功。係伍Sir(陳志健飾)同Bingo係車外「抖下氣」的時候,Bingo就同伍Sir講番阿進(邱勵進)(洪永城飾)本身係唔駛死架!之後佢見伍Sir猶豫的時候就搶佢支槍準備逃走。Madam Man就即刻落車拎支槍指住Bingo,Bingo就繼續「爆料」,原來個陣Bingo可以係三年前救到阿進,但Madam Man個陣叫佢唔好救,直接害死左阿進! Madam Man惱羞成怒下先開槍誤射佢最忠心的下屬伍Sir,之後佢亦直接射死埋Bingo。


Bingo絕對係《鐵探》入面的慘情角色之一。原本好地地諗住做警察一展抱負,點知又俾萬晞華睇中叫佢做臥底,又要同佢阿媽嫻姨分開。到做臥底有D成績的時候,又俾萬晞華用計逼到佢要變節。直到最後,仲要死係萬晞華的槍下。佢的警察生涯話長唔長,但就完完全全成為左萬晞華「權鬥」的工具,幫佢上位,真係好淒涼!萬晞華亦都真係為求上位不惜一切,佢直接間接害死的警察都已經有4個: 阿進、Matt Sir(楊明飾)、伍Sir同埋Bingo!!唔知最後佢會唔會「俾天收」呢?


Ref: TVB

標籤: TVB  鐵探  Bingo  姜皓文  萬晞華  惠英紅  

留言


請按此登錄後留言。未成為會員? 立即註冊
    快捷鍵:←
    快捷鍵:→