【好危急!!】《鐵探》- 垶Sir「英雄救美」卻不敵,慘遭毒手!?

《鐵探》今個星期終於到左結局篇,收視亦同《愛.回家之開心速遞》「叮噹馬頭」。雖然《鐵探》係網上已經播埋大結局,但小編都係學垶Sir(袁偉豪)出席宣傳活動個陣咁講:睇結局的話係電視上面睇好過用電話睇,所以小編都係跟TVB的進度去睇。營長(吳廷燁飾)個邊的劇情暫時隨住Matt Sir(楊明飾)俾佢行刑式處決而暫告一段落(Matt Sir真係死得好慘呀),Matt Sir同阿招(蔡思貝飾)亦無得開花結果。到呢幾集講番阿招點解會有PTSD(創傷後壓力症候群),劇情的焦點就轉移到連環姦殺犯個度。


讀者可以參考以上片段。Iris陸蔚喬(蔣祖曼飾)的朋友(或者係同黨)阮氏桂(李綺雯飾)係落大雨的時間被姦殺,同垶Sir佢地個組人查緊的連環姦殺案的行兇方法係一樣,而死者又係案法的時候著住「短裙仔」,所以垶Sir佢地個組人都推斷係同一個連環姦殺犯「蒲頭」,時隔咁多年再一次出黎犯案。但係垶Sir同其他組的同事(愛.回家入面的阿壯)爭Case黎做的時候,垶Sir佢漏口講左「阿招不能說的秘密」出去,就係11歲個陣的佢係個個連環姦殺犯第一個行兇目標。


另一方面,阿招發覺佢自己一直好似被人跟蹤,垶Sir就覺得佢可能係休息唔夠所以疑神疑鬼,於是就叫佢番屋企休息。係阿招沖緊涼的時候,突然有盒野擺左係佢屋企門口,原來係連環姦殺犯用的皮帶。次後警察黎查野的時候又發現個犯係浴室個度裝埋針孔攝錄機(咁阿招咪咩都俾個犯睇哂!!!)。Madam Man萬晞華(惠英紅飾)為求破案,都唔理下屬的感受,決定用阿招去「放蛇」去個連環姦殺犯。


又係落大雨的晚上,阿招按計劃去「放蛇」連環姦殺犯連環姦殺犯係諗住落手的時候意外發現有警察埋伏,於是就暫時撤退。但佢心癮起,又俾佢係條街到發現另一個著住「短裙仔」的目標,個個就係垶Sir的未婚妻楊曉怡(王君馨飾)。係個犯落緊手的時間,垶Sir因為發現阿怡個電話打唔通,所以火速同「快活谷」谷永正(梁競徽飾)(前名梁烈唯)趕去搵佢。垶Sir係分頭行動的時候見到連環姦殺犯係度對阿怡落手,佢即刻去「英雄救美」。但垶Sir佢身體出完事之後,體力已經大不如前,仲避個犯係咁打,真係睇見都心痛,好彩最尾「快活谷」及時趕到,唔係的話垶Sir同阿怡實「凍過水」!!!


Ref: TVB

如果喜歡我們的文章,請即分享到︰

標籤: TVB  鐵探  垶Sir  袁偉豪  阿招  蔡思貝  王君馨  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→