隔左一段時間無講《白色強人》，自從明成北院長呂仲學(姜大衞飾)係俾YT楊逸滔(郭晉安飾)做完手術之後陷入昏迷，院長個位就好似一直係YT的囊中物。雖然YT唔係佢親自出手搞到呂院長變成咁，係佢副刀Patrick(黃嘉樂飾)係手術期間的手套穿左先搞到呂院長出現感染而有腦膜炎，但YT為左順利推動醫改而包庇佢。到左今個星期的劇情起左重大變化，首先係原本力撐YT成為明成北院長的醫發局主席Martin溫銘章(張達倫飾)「變節」，轉而去支持唐明醫生去選(馬國明飾)，另外就係衛生局代理局長Ivan游國棟(鄭子誠飾)上台準備幫YT掃清一切障礙，明成北院長之位的爭奪戰一觸即發。
讀者可以參考以上片段。最新個集講到有一單工業意外，造成好多傷亡。其中一個傷者(即係《愛．回家之開心速遞》入面的「鐵面陳」王致狄)，唔單止俾石屎壓住，陷入昏迷，心口更加俾鋼筋刺穿，真係諗起都得人驚!明成北醫院個邊就派左心胸肺外科(CTS)的Kennis程洛雯(李佳芯飾)、德仔潘懷德(何廣沛飾)、A&E的Zoe蘇怡(唐詩詠飾)仲有護士Macy(吳沚默飾)去搶救。鑑於現場環境惡劣，加上傷者情況急速惡化，佢地幾個醫生都決定即埸幫傷者做手術，叫做可以將傷者送到去醫院，但送到明成北之後傷者又因為感染敗血症而死亡，最後「鐵面陳」都係救唔番。
小編幾欣賞呢次事件之間安排的幾段對話。首先係Zoe蘇怡同佢上司Dr. Yu余湛琛(蔣志光飾)，佢地的對話就帶出醫生係眾多政策同醫療守則下點樣係救人同保障(保護)自己(小編亦覺得Dr. Yu係鍾意Zoe，只不過愛藏於心底咁解)。始終規矩係人定，定左就要守規矩，唔遵守的話就要有後果或者要為此付出代價。而唐明同Kennis的對話就帶出醫生係救人個陣唔可以有「如果」，只有「盡力而為」，先可以「問心無愧」。至於德仔同Hugo何秉光(韋家雄飾)，佢地之間已經唔係對話，直頭係對罵，德仔更加出手打左Hugo，但亦都可以帶出醫生點樣先可以向自己同病人家屬交代，亦即係點樣先叫做「心安理得」。
不過，有「陰謀誠」的地方就當然有陰謀，佢今次更加係大權在握，黎緊佢應該以心胸肺外科(CTS)醫生唔跟醫療手則為名，要CTS主管唐明問責，「DQ」佢後等YT成為院長唯一候選人，唔知唐明頂唔頂得住呢?
Ref: TVB
讀者可以參考以上片段。最新個集講到有一單工業意外，造成好多傷亡。其中一個傷者(即係《愛．回家之開心速遞》入面的「鐵面陳」王致狄)，唔單止俾石屎壓住，陷入昏迷，心口更加俾鋼筋刺穿，真係諗起都得人驚!明成北醫院個邊就派左心胸肺外科(CTS)的Kennis程洛雯(李佳芯飾)、德仔潘懷德(何廣沛飾)、A&E的Zoe蘇怡(唐詩詠飾)仲有護士Macy(吳沚默飾)去搶救。鑑於現場環境惡劣，加上傷者情況急速惡化，佢地幾個醫生都決定即埸幫傷者做手術，叫做可以將傷者送到去醫院，但送到明成北之後傷者又因為感染敗血症而死亡，最後「鐵面陳」都係救唔番。
小編幾欣賞呢次事件之間安排的幾段對話。首先係Zoe蘇怡同佢上司Dr. Yu余湛琛(蔣志光飾)，佢地的對話就帶出醫生係眾多政策同醫療守則下點樣係救人同保障(保護)自己(小編亦覺得Dr. Yu係鍾意Zoe，只不過愛藏於心底咁解)。始終規矩係人定，定左就要守規矩，唔遵守的話就要有後果或者要為此付出代價。而唐明同Kennis的對話就帶出醫生係救人個陣唔可以有「如果」，只有「盡力而為」，先可以「問心無愧」。至於德仔同Hugo何秉光(韋家雄飾)，佢地之間已經唔係對話，直頭係對罵，德仔更加出手打左Hugo，但亦都可以帶出醫生點樣先可以向自己同病人家屬交代，亦即係點樣先叫做「心安理得」。
不過，有「陰謀誠」的地方就當然有陰謀，佢今次更加係大權在握，黎緊佢應該以心胸肺外科(CTS)醫生唔跟醫療手則為名，要CTS主管唐明問責，「DQ」佢後等YT成為院長唯一候選人，唔知唐明頂唔頂得住呢?
Ref: TVB
請按此登錄後留言。未成為會員? 立即註冊