《娛樂大家》- 薛凱琪分享原創笑話,森美笑到「傻」咗!?

又到星期日的《娛樂大家》,今集主題係「正能量」(但小編只係諗到諧音字),請的嘉賓亦相對上「九唔搭八」左D,有丁生丁子高、賭王千金何超蓮、Fiona薛凱琪同埋JW。如果今集嚟講,最搞笑嘅一定係Fiona,佢仲有分享佢自己原創的笑話,不過就要笑點低的朋友先應該識笑。但相比之下,其他嘉賓就好似無咁搞笑,雖然JW都都算玩得放。


讀者可以參考以上片段。「Cheat Chat」環節,阿姐一開始就屈d嘉賓中招,因為佢要同丁子高同埋何超蓮「握手」,咁阿姐叫到,咁大膽唔同佢握手咩,呢下都無得避。反而坐得遠d的JW同薛凱琪就可以「避過一劫」。但JW之後都因為太單純而中招,何超蓮問佢係唔係佢好朋友,佢又直接話係。跟住俾人問歌名,佢又諗住用普通話講就無事,其實都係計中一次招。成日俾網民封為「女神」的何超蓮都有一題佢專屬的問題,就係頭上個牌係「否認係女神」,被人圍攻之後佢都話唔覺自己係女神,你又覺唔覺呢?


之後薛凱琪就開始「Cheat Chat」環節盡顯佢搞笑的一面,先係被森美誤傷的情況下,佢要罰番森美,幫佢個頭插花。Arnold郭子豪之後一連串咁追問薛凱琪點樣走出抑鬱的困境,佢就問番佢:「中未啊你?」跟住佢就舉報郭子豪,但佢唔係估自己頭上面個牌係咩,佢舉報的係郭子豪「太慢」。到佢Trap完陸浩(陸浩明)之後,陸浩叫佢講個笑話聽下,薛凱琪就問阿姐:「有D咩食物係你唔切佢唔驚?一切佢,哇,好驚佢。」跟住佢就開估話答案係薑,因為薑一切左就變殭屍! 之後佢問俾佢罰過的森美,憑良心去講好唔好笑,森美都好配合咁講:「哇,笑死我」(森美個樣可以做潛力圖!!)


之後薛凱琪繼續發功,自創笑話之後再自創遊戲規則,當佢模仿完整雪糕的樣之後,JW就諗住舉報佢啦。薛凱琪就話如果JW估到的話就罰兩次,呢下玩雙倍懲罰就嚇到JW唔敢舉報。呢下真係利害!跟住佢又捉埋何超蓮係鏡頭前面扮「花樣女子」,咁又可以Trap到何超蓮,「女神」佢俾人整蠱左都唔知,真係以為純粹擺下Pose。所以話薛凱琪應該係今集入面玩「Cheat Chat」玩得最叻的嘉賓,唔知你又覺唔覺呢?


Ref: TVB

標籤: TVB  娛樂大家  薛凱琪  何超蓮  JW  丁子高  

留言


請按此登錄後留言。未成為會員? 立即註冊
    快捷鍵:←
    快捷鍵:→