【開放討論】《倚天屠龍記》翻拍香港版的話，選角可以點揀好? 精選

陪咗我地好多個星期的《倚天屠龍記》已經完左，趁住未播新劇的時候，小編記得某一位網友的留言有提過可以討論下如果《倚天屠龍記》再翻拍香港版的話，選角方面可以係點。基於小編睇過的《倚天屠龍記》的電視版只有剛剛播完的新版(曾舜晞版)同好耐之前的吳啟華版(佢果個版本的大部分配角都已經唔記得咗係由邊一位演員飾演)，所以小編只可以 憑住自己有限度的認知去諗下有咩演員會適合做張無忌、趙敏、周芷若、楊逍、滅絕師太等主要角色。係度亦借機會多謝一直支持小編的讀者。戴定頭盔先，以下選角純粹係小編個人角度去揀（假設係二至五年內翻拍香港版）。

張無忌 (何廣沛):


如果小編揀張無忌的話，會揀宜家係《白色強人》入面飾演德仔潘懷德的何廣沛。因為張無忌生性隨和，宅心仁厚，但係處理感情方面就拖泥帶水。可以有咁紅顏知己，外觀上都唔會太差。小編覺得何廣沛的顏值唔錯(亦相對童顏)，佢演技方面亦愈黎愈成熟。更何況佢喺《女人俱樂部》入面亦做過年輕版的吳啟華，所以小編私心想佢做張無忌。

趙敏(朱千雪):


趙敏機智聰明，心思敏捷，亦攻於心計，不過佢可以為咗張無忌而放棄一切。小編就會揀「女神」朱千雪去飾演趙敏。主要的原因梗係小編係佢Fans(誤)，其實係佢美貌與智慧並重。仲要朱千雪拍過的古裝劇唔多(有錯請指出)，果種堅強的個性小編諗佢應該可以Carry到。

周芷若(邱晴):


周芷若喺「未黑化」的時候，就好有愛心，對人好，形象近乎「純情小白兔」咁。小編好快就諗起邱晴。雖然佢拍劇的經驗唔多，但就好乎合小編心中周芷若初初入峨嵋派的形象。當然「黑化版」的周芷若就會對邱晴嚟講係一大挑戰。

滅絕師太(滕麗名):


成日都要「滅絕」邪魔外道的滅絕師太，小編就會揀滕麗名。雖然佢喺過往的版本曾經做過紀曉芙同楊不悔，但可能因為佢喺《愛．回家之開心速遞》入面的尚善老師熊尚善形象太深刻，小編覺得佢個種「Mean」令佢好適合人做滅絕師太 !

楊逍(張智霖):


大家都知楊逍外貌俊朗，風度翩翩，為人又亦正亦邪。小編揀的楊逍就會係由張智霖飾演。Chilam顏值高，喺《衝上雲霄II》入面的Cool魔同埋經典《十月初五的月光》的初哥哥都非常有觀眾緣。飾演「光明左使」楊逍梗係難唔到佢啦!!

唔知你又會點樣選角呢?

Ref: TVB, 各藝人IG