【移情別戀】《愛.回家之開心速遞》- 安仔同池美麗共處一室?!

唔知大家記唔記得愚人節個日點過呢?《愛.回家之開心速遞》愚人節個集就講到反S.O.大聯盟請左一位「僱傭兵」去整蠱廢青金城安(安仔)(S.O.) (周嘉洛飾),雖然果陣安仔最後同Bonnie譚育英(林凱恩飾)「大步躝過」,但對安仔黎講就可以話係惡夢的開始。事關個位「僱傭兵」池美麗(鍾凱琪飾)因為安仔對佢的關心而對佢動左真情,佢仲諗住介入安仔同Bonnie的感情,追求自己的幸福!


讀者可以參考以上片段。安仔同Bonnie拍拖的時候,池美麗總會好似「吊靴鬼」咁係附近出現,仲要拎住佢最鍾意食的豬大腸,同埋佢又會話安仔做咩對Bonnie咁好(話哂安仔都要排除萬難先可以同Bonnie一齊)。最得人驚的係,就算有Bonnie的場合,池美麗都會衝出黎做「電燈膽」發光。佢有次就誤打誤撞咁話要還食咗的杯麵俾安仔,搞到Bonnie知道安仔其實係去咗同朱凌凌(吳偉豪飾)佢地打機,然後Bonnie 就嬲咗安仔。之後池美麗又話要同安仔玩「緣份遊戲」,話喺「一個鐘」(突然諗起巴士泰叔)之內如果佢可以搵到安仔的話,就證明佢地兩個有緣分,咁安仔就要同佢一齊(咁都得?!)


安仔無奈之下就同池美麗玩呢個「緣份遊戲」,佢走到後山的貨櫃入面,諗住池美麗應該搵唔到佢啦,點知又俾佢搵到,仲要突然「風雲色變」,山泥傾瀉,將個貨櫃封埋,就係咁安仔同池美麗被迫共處一室。不過,安仔佢就喺個貨櫃入面睇到池美麗的另外一面。係人都知,池美麗的食量超越尋常人的食量,雖然話佢平時出街都會有帶其他零食,但佢今次同安仔一齊喺貨櫃生活,其實係唔夠野食(正常都唔夠啦)。係愛情的加持下,池美麗寧願捱餓,都將剩番嘅野食盡量俾安仔食,自己就餓到幾乎暈低。好彩第三日已經有人發現佢地(原本話要7日後先有保安巡邏),唔係的話池美麗就要活活餓死啦!


提起愛情,通常都會有人問係要愛情亦或麵包?講起美,通常都會分內在美同外在美。今次池美麗係對安仔的愛情上,佢寧願揀愛情都唔揀麵包,但反而安仔睇到池美麗的內在美(應該係,除非唔係?!)。安仔醒番之後都表現到好緊張池美麗,就連旁觀的Bonnie都覺得安仔有D唔同左。尚善老師熊尚善(滕麗名飾)更加一語中的,話要睇下邊個先係真正做到佢「新抱」。唔通安仔真係會移情別戀?


Ref: TVB

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→