【突破】《鐵探》沒有最悲情,只有更慘情?多位角色同時面對心理關口

《鐵探》的結局篇,基本上係一集慘過一集。雖然對小編而言,仲未到「催淚彈」的地步,但的確覺得睇得都幾沉重下(唔排除之後更加慘)。好似尋晚個集,一集入面可以見到幾個角色的內心戲,可以話係「破哂紀錄」,佢地係阿Kay鄺泳莎(鄧佩儀飾)、「快活谷」谷永正(梁競徽飾)(前名梁烈唯)、垶Sir(袁偉豪)、阿怡(王君馨飾)同阿招(蔡思貝飾)。仲要每個人都面對住唔同的心理關口,而且都係會睇到人「咬牙切齒」!


讀者可以參考以上片段。上一集的結尾講到Bingo(姜皓文飾) 死左係Madam Man萬晞華(惠英紅飾),阿Kay後悔一開始無幫到Bingo手,宜家佢就真係要代Bingo照顧佢媽媽嫻姨(盧宛茵飾)。但佢亦都叫做完成左Bingo的遺願,就係幫佢派左三封信出去。其中兩封係今集已經公開左。至於「快活谷」,就中左做餌去捉營長(吳廷燁飾)「Set」下的陷阱,俾氣體爆炸所傷,亦都係之後知道原來一直俾「愛情」所玩弄,因為佢女朋友Iris陸蔚喬(蔣祖曼飾)用佢去收警方料,呢場戲入面的谷Sir應該可以一洗「負評唯」的負評!


阿怡(王君馨飾)同阿招(蔡思貝飾),佢地要突破的心理關口,都係佢地曾經面對過的「加害者」,亦即係連環姦殺犯羅彪(鄭家生飾)。因為Iris都死左,羅彪唔知點解就走甩左。因為佢係變態的關係,佢又去左搵佢「未處理」的獵物。阿怡同垶Sir係行街買野的時候又撞到佢,垶Sir追左出去,羅彪點知仲係間舖入面,阿怡又差D俾佢「辣手摧花」。阿招就更加慘烈,係佢做高空拯救隊的時候,個個「等緊俾人救」的人原來就係羅彪!一個係佢細細個的時候就綁架佢的人,亦引致自己有咁多年的PTSD(創傷後壓力症候群),佢呢個時候面對住無限的恐懼。雖然佢最後都突破到自己個關,救左羅彪之後再制服埋佢,但蔡思貝飾演的阿招真係睇到觀眾都陪住佢驚!


黎緊垶Sir終於要同Madam Man「決一死戰」,今集劇情都已經交代垶Sir的身體狀況已經到左非常惡劣的地步,隨時都會係個鼻流「鼻水」(腦髓液),唔做手術的話一定有生命危險。係Madam Man要解除垶Sir職務個陣,垶Sir都已經要吐血。唔知最後垶Sir可唔可以繼承到Bingo的遺志,拉Madam Man落馬呢?


Ref: TVB

如果喜歡我們的文章,請即分享到︰

標籤: TVB  鐵探  梁競徽  袁偉豪  蔡思貝  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→