撞邪!?《娛樂大家》連詩雅自認係高齡產婦

今集的《娛樂大家》亦都好應節(係母親節,唔係佛誕),成集的主題都圍繞呢個主題。今次除左固定班底「娛樂家族」之外,仲有星夢三人組(其實Jinny(吳若希)都係,但佢係「娛樂家族」個隊入面): 周柏豪(Pakho)、連詩雅(Shiga)同埋「星夢一姐」HANA 菊梓喬,另外仲有「小鮮肉」丁子朗。係問答環節個度,周柏豪講笑咁話連詩雅係全娛樂圈第五蠢,之前四名都未有人,你就可以估到連詩雅有幾咁「蠢」。到左其中一條問題係問香港女士平均幾多歲第一次生小朋友,連詩雅突然好感觸,俾周柏豪話「串」完之後仲話自己係「高齡產婦」,連答題目都好似「傻左」咁答30.6歲,但重點係呢題入面三個答案都無呢個歲數揀,究竟連詩雅佢個陣睇緊咩呢?


讀者可以參考以上片段。「Cheat Chat」環節同樣因為嘉賓而好睇。首先,陸浩(陸浩明)就例牌中招,但之後出彩的唔係星夢三人組,而係丁子朗,因為佢係短時間之內連續5次中招(片段5:17個度開始),應該破左節目的紀錄,好短時間就做左「包山王」,先係講「打麻雀」,再叫森美一聲「大哥」,之後仲唔認自己係小鮮肉,再係被阿姐讚「幾孝順」的時候和議,再講「食飯」。不過,觀眾睇完呢Part都會知佢真係一個孝順仔黎!


而周柏豪成個環節就好似有「被妄想逼害症」咁,個個人一問佢野就即刻好似上身咁。8:29個度,陸浩問周柏豪點樣氹媽咪,佢即刻話:「又射落我度?!」之後阿姐都有話周柏豪:「你唔好以為個個都針對你啦! 」反而以為好蠢的連詩雅係呢個環節表現又唔錯,只係中英夾雜咁問周柏豪:「你係大個個陣先真係Action去錫Auntie」叫做令人印象深刻D(呢個又真係佢的個人特色黎),最後就係經常「Set」陷阱俾人踩的郭子豪(Arnold)做左「包山王」。


今集另一個亮點係播短片環節,謝雪心做的媽媽對阿仔真係關懷備至,又會幫佢報好多的興趣班,夜晚阿仔溫書溫夜左又會因為「電費貴」而叫佢去管理處溫。仲要唱K專登係去唱粵曲,可以話拍得住丁子朗同Madam Lo盧宛茵拍個個《呢個阿媽唔簡單》。之後到阿仔大個左之後就好似同阿媽交換左角色,又幫阿媽報好多千奇百趣的興趣班,都真係幾搞笑,唔知你覺唔覺呢?


Ref: TVB

如果喜歡我們的文章,請即分享到︰

標籤: TVB  娛樂大家  周柏豪  連詩雅  HANA  丁子朗  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→