【搶親】《愛.回家之開心速遞》- 大小姐送水輝結婚?

之前《愛.回家之開心速遞》的劇情講到司徒獨孤明珠(馬蹄露飾)再出現,佢仲俾左個Offer「送水輝」(許家傑飾),就係需要佢「捐精」俾自己,等佢可以有下一代。而「送水輝」就可以司徒獨孤集團的股份作為回報,搖身一變成為一個有錢人。就咁睇尋晚個集的預告,見到「送水輝」好似華仔喺《天若有情》咁搶親,就知道「送水輝」決定為咗大小姐龍力蓮(林淑敏飾)去「捐精」啦!


讀者可以參考以上片段。雖然「送水輝」佢係揀左「捐精」俾司徒獨孤明珠,不過佢其實並無真係成功搶親,只不過係佢自己的幻想。不過,佢呢個「FF」可以話係「大小姐送水輝CP」的Fans最期待的畫面!照樣係恐怖的9月9日,個個都在場睇住大小姐同「商心小棧」集團的Jacky商良(黎振燁飾)舉行婚禮,之後「送水煇」就及時出現,叫停佢地個婚禮。呢個時候的「送水輝」,已經唔係之前個個係「尋寶圖」入面的「低級」客戶主任,而係司徒獨孤集團的持有人,資產可以同大龍生龍敢威(羅樂林飾)匹敵。而之前係「好爸Bar」個度做打雜的廢青金城安(安仔)(S.O.) (周嘉洛飾),亦都榮升做「送水輝」的私人助理。仲有朱凌凌阿爸Martin(陳嘉輝飾)同阿哥TT(梁証嘉飾)的律師樓支持,終於可以令到大龍生俾大小姐自己揀番想同邊個一齊。咁當然大小姐係揀「送水輝」啦,唔係為咗佢嘅錢,而係真愛呀!


可惜以上都只係「送水輝」自己的幻想。不過,既然「送水輝」揀左「捐精」俾司徒獨孤明珠,FF呢一幕絕對有機會發生。所以「送水輝」就要接受司徒獨孤明珠的訓練,原來「送水輝」只係司徒獨孤明珠其中一個候選人,佢另外仲有兩個更加年輕同大隻的「後備」。「送水輝」佢靠住堅強的信念,終於係體能上贏左其他兩位。但有一幕睇住「送水輝」照顧把口噴野的司徒獨孤明珠(利申:當時食緊飯),真係覺得「送水輝」好大犧牲。


不過,隨住Jacky商良的猛烈攻勢,究竟大小姐佢會唔會頂得住呢?「送水輝」佢又可唔可以趕得切係9月9日前「捐精」俾司徒獨孤明珠,咁就真係可能要等到9月9日先知囉。小編希望「送水輝」可以同大小姐繼續組CP,好過係Jacky商良,唔知你又覺唔覺呢?


Ref: TVB

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→