【點評】《婚姻合伙人》結局後感 – 又一「爛尾」結局?

之前有提過《婚姻合伙人》的結局編的劇情比起之前的「小品」定位係「超展開」,甚至係暴走狀態。到左大結局更加係睇到小編一頭霧水。雖然個結局係話貝競枝(Kimchi)(高海寧飾)同郎朝勇(Guts)(楊明飾)最後維持「合伙」的關係,但又唔可以話係一個happy ending,當中有幾點令到成個結局「爛尾」。


第一點就係Wing Wing的失蹤。之前的劇情講到Guts阿媽徐姹千(黃淑儀飾)帶左Wing Wing去公園玩,但因為徐姹千心臟病發再加Wing Wing以為見到佢「Daddy」邢呇(黃德斌飾)去追車,最後搞到失蹤,一失蹤就兩年。雖然中間Guts一家人都有搵過佢,但都搵唔到,呢樣野亦令到Kimchi同Guts一家人疏遠。不過Kimchi係呢兩年入面之後就好似唔記得左個女咁。到咗結局,有對夫婦帶Wing Wing去見Kimchi,但言談之間就會發覺個對夫婦其實做的野,同拐帶Wing Wing係無分別,咩「因為見個細路女幾乖就帶走佢」,又唔搵番個個小朋友的屋企人,根本就係拐走咗人地個小朋友。呢對夫婦可以話係結局入面一個好大的瑕疵!


另外就係Kimchi同邢呇仲有Guts的關係。由結局篇開始的爆點,當然係Kimchi被邢呇「女女女」左。佢亦都為激Guts而生咗個小朋友出嚟。邢呇亦因為個小朋友而對Kimchi的事業照顧有加。雖然Kimchi有提過有必要時會同邢呇打官司爭個個小朋友的撫養權,但結局觀眾都知Kimchi會揀同Guts係番埋一齊。咁個小朋友呢?如果邢呇真係同郎朝信(湯洛雯飾)結婚(因為喺畫展應該叫做訂咗婚),咁Guts佢果家人的關係真係好亂下。唔通個小朋友會叫Kimchi做媽媽,但叫郎朝信做「Mommy」?!


第三點就係Guts的舅父徐懿蜚(古明華飾)的「說書人視角」。喺結局篇的時候,徐懿蜚突然就係架小巴個度開始以第三身角度,好似說書人咁講Kimchi同Guts的故事。雖然有網民發現係小巴入面的人物就好似《愛.回家之開心速遞》入面的前傳(因為有譚道德(陳榮峻飾)一家人,仲要小巴司機係人事部Helen姐(姚瑩瑩飾),但正正就係因為徐懿蜚「說書」的關係搞到觀眾好難跟個劇情,一時小巴講故仔,一時又影下Kimchi同Guts喺地產界互相攻擊,真係睇到人「眼花花」。最得人驚的係結局交代徐懿蜚個大仔番返國讀書前所作嘅歌,靈感因為佢當年暗戀佢待產的表嫂(即係Kimchi)!只可以講Guts一家人的關係真係好「亂」! 唔知你又覺唔覺呢?


Ref: TVB

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→