【老屈】《倚天屠龍記》- 張無忌殺咗七叔莫聲谷?!

呢兩晚的《倚天屠龍記》,就睇住一個名門正派的大好青年點樣誤入歧途,個個就係武當派的宋青書(張超人飾),曾經好有前瞻性咁贊成滅絕師太組織「反魔教聯盟」,亦係大師父「張真人」眼中年青一輩當中悟性最高的「明日之星」,先係色心起要「女女女」周芷若(祝緒丹飾),跟住仲同丐幫的陳友諒一齊誤殺自己的七叔莫聲谷,睇住佢的墮落實在令人心痛。但更加令小編心痛的係「張大教主」張無忌(曾舜晞飾)同「蒙古郡主」趙敏(陳鈺琪飾)一齊俾「武當四俠」屈!


讀者可以參考以上片段。原本張無忌同趙敏諗住係山洞入面休息一陣再趕路,但佢地聽到「武當四俠」經過山洞,趙敏就因為之前同武當派係萬安寺一役同佢地有「牙齒印」,所以就勸張無忌唔好係呢個時候同佢地相認,但因為發出聲俾佢地發現山洞有人。當俞蓮舟入山洞的時候,張無忌佢地同時又發現已經死咗的七叔莫聲谷。趙敏免得因為張無忌同佢一齊行動而影響到無忌同佢師叔伯的關係,所以自己就衝左出去「解圍」,張無忌之後又出去幫趙敏「解圍」,咁反而令到師叔伯誤會佢就係殺莫聲谷的兇手。


睇到呢幕真係覺得張無忌好慘。如果班師叔伯係話趙敏殺咗莫聲谷,都叫做情有可原,因為武當派作為名門正派,自然要對抗蒙古政權,咁同趙敏係所處陣營自然係敵對關係。加上之前趙敏「軟禁」過佢地係萬安寺,佢地都會覺得趙敏係行事陰險、心狠手辣的妖女。不過張無忌,佢地咁多位師叔伯自細已經代替張翠山去照顧無忌,自然清楚佢為人係點。同埋係六大門派圍攻光明頂,仲有萬安寺個度,佢地都應該知道無忌就算大個左之後品性依然係好。但佢地未清楚成件事就已經「老屈」無忌有份殺咗七叔莫聲谷,特別係六叔殷梨亭,明明佢之所以行得番,都係靠無忌幫佢拎到「黑玉斷續膏」再加無忌私人的物理治療,但宜家居然絲毫情義都唔顧,難怪無忌佢咁Hurt!


好彩呢個時候已經加入丐幫的宋青書同陳友諒及時「蒲頭」。喺張無忌聽趙敏講截停左宋青書,先可以喺佢地之間的對話當中還「張大教主」同「蒙古郡主」的清白,但佢地俾人屈真係替佢地唔抵,唔知你又覺唔覺呢?


Ref: TVB

如果喜歡我們的文章,請即分享到︰

標籤: TVB  倚天屠龍記  張無忌  曾舜晞  趙敏  陳鈺琪  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→