【慎入】《倚天屠龍記》- 朱元璋分析的「抗元局勢」同香港的情況類似?

武俠小說/片的時代背景離不開同政治有關,《倚天屠龍記》都唔例外。主角張無忌(曾舜晞飾)所率領的明教要解救係水深火熱的黎民百姓,對抗蒙古政權。劇情係靈蛇島之後,焦點就開始集中番係抗元大業。「朱老四」朱元璋的出場亦都愈黎愈多,佢係劇情入面,「光明左使」楊逍(林雨申飾)同「五散人」都有同張無忌提過呢位朱大哥攻於心計,係明教內部慢慢擴張自己的勢力。小編特別鍾意的「五散人」周顛更加「睇通睇透」,成日都知道朱元璋專登係明教教眾面前落佢面。但無可否認,《倚天屠龍記》入面的朱元璋的確幾有政治智慧,佢勸阻張無忌刺殺元帝的時候更加分析「抗元局勢」,情況同宜家香港政府類似。


讀者可以參考以上片段。「光明右使」范遙佢諗住可以「擒賊先擒王」,諗住明教上上下下可以闖入皇宮去刺殺元帝,咁就可以推翻蒙古政權。所以佢就想張無忌同之前佢的徒弟「紹敏郡主」趙敏(陳鈺琪飾)聯合,由趙敏勸太子去改變歧視漢人的政策,再方便明教的人攻入皇宮。所以佢就先救出原本要被斬首的趙敏,之後再勸趙敏同張無忌合作。


張無忌係見番范遙之後,聽佢講哂佢成個計劃。雖然佢唔想利用趙敏,但為左局勢佢不得不考慮咁樣做。正當佢仲諗緊會唔會聽范遙咁講去刺殺元帝的時候,朱元璋就連埋佢個派的人黎勸張無忌。佢就話元帝昏庸,但明教唔可以刺殺佢,因為佢係團結反抗派的人。就係因為元帝的暴政,所以百姓可以團結起來,去反抗佢。如果刺殺左元帝,咁太子繼位反而會令成件事的情況更加差。


*以下純個人感想,不喜歡請及早按下一篇文章

小編覺得朱元璋分析的「抗元局勢」同香港如令的情況類似。昨日過百萬人上街,已經分映出民眾對反對修訂逃犯條例的意見。就算警方公佈的遊行人數只有遠遠少過舉辦單位公佈的遊行人數,但明眼人都會知道邊個數字更加貼近真實。如今的香港就同元朝個陣的時代背景接近,無論修訂逃犯條例之間加左幾多人權保障,其實就好似元朝政府係一條歧視漢人的政策入面加番少少優待漢人的措施。特首、司長同局長就好似《倚天屠龍記》的元帝一樣,團結緊反抗的百姓,唔知你又覺唔覺呢?

Ref: TVB

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→