【好複雜呀!】《愛.回家》 熊心如戀情會演變成"四角關係"?

尋晚的《愛.回家之開心速遞》,「扮Gay追女仔」的George(張明偉飾)個大話終於要穿啦。觀眾都知George同池子孝(阮政峰飾)的HEHE情好似愈來愈親熱,仲搞到池子孝阿爸池富(王俊棠飾)為咗維護個仔同「新抱」自由戀愛的權利,做埋「平權司機」,又上電視又上雜誌封面,但George同池子孝自己私底下協議考要DSE之後就公開佢地「假HEHE」的秘密。不過,George就將呢個秘密提早「爆煲」,原因係因為「佢」?


讀者可以參考以上片段。一單同裝修公司的糾紛(突然諗起袁文傑潮生現實果一單) ,George係熊心如(蘇韻姿飾)推薦下決定搵朱凌凌阿哥朱天梯TT(梁証嘉 飾)去打官司。意外之下,George發現TT原來係一個追女高手黎,佢一招「寂寞的高牆」,就可以輕鬆「溝女」,所以George一見到就即刻諗住「拜師學藝」,再一次拉近自己同心如的距離。


不過,「天有不測之風雲」,係George同池子孝傾緊幾時公開「秘密」的時候,TT居然成為左成套劇第一個知道佢地係「假HEHE」。問清楚之後,TT終於知道George因為驚同心如表白失敗,之後再誤打誤撞變左同池子孝表白,以掩飾成件事。因為係TT的觀察下,佢一直覺得心如係只係識讀書、思想又單純的女仔,所以佢就鼓勵George坦白「自爆」,而且直接表白,佢仲預計成功率超過80%!

George就繼「扮Gay追女仔」之後,嚟一個「扮傷追女仔」。佢先叫心如一齊係補習社的內聯網個度開視像,跟住就話自己遇到交通意外。心如就問George: 「你做咩仲係度呀,你快D去醫院啦! 」George呢個時候就好深情咁表白:「為咗尊嚴,我講咗一個令我好後悔的大話,做左一場我好唔情願做的戲,我無時無刻都想對你坦白,但係我真係好驚,驚你會拒絕我,驚我會徹底失去你……」點知呢個表白換來嘅就係心如的一巴掌同一句「賤格」!


「假HEHE」的真相穿左,心如因為George講的大話而對佢嚴惡,「天才聯盟補習社」之後莫非要拆夥?但另一方面,TT經過「菠蘿包之迷」之後,好似開始俾心如吸引到,而心如亦對TT好似有D欣賞。仲有池子孝,雖然佢係「假HEHE」一面的幫兇,但話哂係心如的前度,而且佢努力向上,好有「上進心」,會唔會又有復合機會呢?心如應該係劇集入面有最多「疑似」男朋友的女角色,你覺得佢最後會同邊個一齊呢?

Ref: TVB

如果喜歡我們的文章,請即分享到︰

標籤: TVB  愛回家  開心速遞  George  張明偉  熊心如  蘇韻姿  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→