【純粹亂估】《鐵探》- 邊一個先係警隊內鬼!?

《鐵探》劇情開始進入高潮。一直以黎,尚垶(袁偉豪飾)同Bingo(姜皓文飾)都處於「你追我走」的狀態。但經歷過咁多事之後,Bingo決定對尚垶做最後的「補償」,就係要幫尚垶搵到一直係警隊暗中同營長(吳廷燁飾)合作的內鬼。由於個個警隊內鬼所知的情報好多,而且個內鬼知道的情報次次都係行動的關鍵,所以Bingo估計內鬼一定係警隊的高層,而佢第一個估的就係賤Kan(許紹雄飾)。如果係小編純粹亂估,賤Kan份人雖然賤,但佢未必係警隊內鬼。


劇情講緊的「權鬥」主要係講緊係「未來一姐」亦或係「未來一哥」。「未來一姐」的話,當然無懸念係Madam Man萬晞華(惠英紅飾)。如果係「未來一哥」的話,人選就多好多啦。首先有坐住輪椅的Samuel程宇森(黃智賢飾),之後有「吧口夠哂賤」的賤Kan,另外仲有一直唔係太顯眼但好有影響力的形事情報科(CID)尹Sir(李成昌飾)。幾個人都係處長(CP) (石修飾)的考察之列。但如果話係警隊內鬼,小編覺得賤Kan可以首先排除。大家記唔記得賤Kan係劇情中間有一排俾「一哥」調左去警察學院做副院長,叫做係「面壁思過」。係佢被調職的時候,營長佢地依然有行動。而且賤Kan佢的最終目標只係想係「權鬥」入面成為最後的勝利者。Bingo一俾正龍和營長交易的相賤Kan,佢都只係諗辦法俾Samuel,只係借佢前妻Carrie(陳敏之飾)之手,所以小編覺得賤Kan未必係警隊內鬼。


至於Madam Man,小編覺得更加無可能。佢個仔邱勵進(洪永城飾)死係黑幫手下,雖然講到萬晞華呢個角色係鐵石心腸,但間中都有劇情講佢係度回憶個仔,所以睇得出佢係掛住個仔,應該唔會係佢俾營長情報,同黑幫合作。Samuel程宇森都唔似係警隊內鬼,因為暫時睇左咁多集都覺得佢呢個角色實在「太正氣」,想係警隊革新,有抱負。


講左咁多,小編就覺得最後一個「一哥」候選人最大嫌疑。通常見到李成昌飾演的角色,都知會係D「奸奸地」的角色,甚至係做「反骨仔」。尹Sir作為警務處助理處長,同時睇住毒品調查科同刑事情報科兩大部門,佢知道的情報係最多的,而營長佢地係香港「開飯」咁耐,都未俾人捉到,分分鐘就係尹Sir一邊「俾料」,一邊「放水」。唔知你又覺得邊一個先係警隊內鬼呢?


Ref: TVB

如果喜歡我們的文章,請即分享到︰

標籤: TVB  鐵探  賤Kan  許紹雄  惠英紅  李成昌  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→