【情敵?】《愛.回家之開心速遞》- 大小姐同"送水輝"唔可以修成正果?!

出名多CP的《愛.回家之開心速遞》,入面有好多對CP都大受觀眾歡迎,例如: 之前的「博士Mandy CP」、BL代表的「金城安朱凌凌CP」、情人節開花結果的「龔水CP」等等。小編居然數漏左最受歡迎CP之首的「大小姐送水輝CP」。尋晚個集的劇情又講番「送水輝」(許家傑飾)同大小姐龍力蓮(林淑敏飾)的愛情之路。相信好多觀眾都覺得編劇狠心,因為無啦啦多咗個Jacky商良(黎振燁飾)介入佢地的戀情。


讀者可以參考以上片段。劇情講到Jacky商良成日借「商心小棧」集團同埋接龍集團要開重要會議去搵大小姐。有一次,大小姐又發現Jacky話要開會係假的,所以就趕左佢落車。Jacky佢行行下就見到大小姐提過個間「好窮的小學」(亦即係譚道德(陳榮峻飾)做校長個間道德重整會小學)。佢本身諗住搵校長傾下捐錢做善事,點知佢遇到「送水輝」個仔Philip仔 (宋飛立)。Philip仔佢睇開的八卦雜誌話Jacky同大小姐一對,所以佢就要為「送水輝」出頭。於是佢就整蠱Jacky去學校的雜物房,但估唔到Jacky就係咁被困雜物房。


唔知發生咩事的兩個大集團都以為Jacky俾人綁架,大小姐都覺得今次Jacky失蹤係關自己事,所以佢就好擔心咁同「送水輝」周圍咁搵佢。大小姐係搵Jacky的時候,就帶左「送水輝」去左一個Jacky曾經帶過佢去的地方。不過,又估唔到Jacky幾浪漫下。係大小姐的回憶入面,Jacky望住個荒山野嶺話: 「我地第時主人房同大廳就係呢度,咁就可以對住個海,咁我地小朋友房就可以喺呢邊,咁就可以近我地間房呀!」睇得出佢有諗下自己同大小姐的將來。跟住「送水輝」都問大小姐:「你記得哂佢講嘅野? 」小編諗「送水輝」都開始意識到Jacky係大小姐心中開始佔有一個位置。


好彩Jacky最後都搵得番,而整親對腳的大小姐都有向「送水輝」撒嬌,叫做派下「定心丸」俾觀眾,「送水煇輝」仲好Man咁「揹」大小姐上番去。不過,係「初戀冰室」入面,Jacky同大小姐的對話又好似留低左D懸念。Jacky就話大小姐其實好緊張佢:「你吧口咁講,我知你個心點諗嘅!」但成個對話就有D似男女朋友傾計咁,係隔離一直聽住的「送水輝」,可能「眼淚在心裡滴」(未到要流淚)。編劇唔好拆散佢地啊!


Ref: TVB


留言


請按此登錄後留言。未成為會員? 立即註冊
    快捷鍵:←
    快捷鍵:→