《婚姻合伙人》播完之後，就到《白色強人》出街，無記錯的話應該係TVB今年繼《鐵探》之後的大作。計卡士的話，呢套劇都相當強勁，就咁數下都有一個視帝(郭晉安)同兩位視后(Ali李佳芯同唐詩詠)，另外仲有好多受觀眾喜愛的演員，例如:「女神」張曦雯、「FYY」馮盈盈、演技愈黎愈成熟的何廣沛，當然仲有受到「安心事件」牽連的馬國明。雖然唔係專登想提「安心事件」，但呢件事亦間接幫馬明加咗分。就算醫療題材未必係個個觀眾都合口味，不過以演員陣容黎講都相當值得一睇(好過成日都播警察片掛?)。
讀者可以參考以上片段。郭晉安近年的戲路比起之前更加多做「奸角」。與其話佢做「奸角」，應該強調佢係做好有野心，亦經常精益求精的角色，但通常隨住劇情的推進就會逐漸「黑化」，到最後都會係變成一個自私自利、為求達到目的不擇手段的人，就好似《再創世紀》入面的大商家賀天生Leo、又或者係《致命復活》入面被逼害的Vincent韋逸昇，當然唔少得郭晉安係《忠奸人》入面再令佢拎到視帝的律師高哲行。呢個角色可以話係郭晉安演藝路上的分水嶺，正式洗走係觀眾入面的「阿旺」形象，做忠又得，奸又得! 《白色強人》入面的Dr. Yeung，小編估計佢都係會似郭晉安近年飾演的角色咁，係醫療改革的大環境下慢慢滿足自己的野心，最後甚至可能變成「Final Boss」。
套劇另外就係睇日常以「兄妹」相稱的馬國明同唐詩詠，係劇集入面做一對「離婚夫婦」，之後Ali飾演的程洛雯Dr. Ching亦會鍾意咗馬國明飾演的Dr. Tong唐 明，形成一段三角關係。馬明唔係第一次做醫生，心水清的觀眾仍然會好記得佢之前《On Call 36小時》的一件頭張一健，最後亦係飲恨視帝。事隔多年，馬明再「從醫」，觀眾可以睇下佢進步到去邊。另外，因為「場外因素」的關係，馬明獲得的關注度亦一定多咗，就睇下可唔可以將個個關注度轉移番佢的事業上面。私心嚟講，馬明今年「封視帝」的機會大咗好多，一嚟《白色強人》同《降魔的2.0》一齊出街，二嚟距離上次「封視帝」呼聲最高已經隔咗7年，小編希望佢可以「二中一」啦！
而Ali同唐詩詠係入面亦可以直接睇到兩位視后的演技大比拼，小編喺上年頒獎禮嘅時候都多好次強調小編覺得唐詩詠拎視后果年其實唔係咁有說服力(《不懂撒嬌的女人》的女主角係宣萱飾演的凌敏)，嚟緊就睇下唐詩詠的Dr. So(Zoe)可唔可以證明佢真係可以！
Ref: TVB
讀者可以參考以上片段。郭晉安近年的戲路比起之前更加多做「奸角」。與其話佢做「奸角」，應該強調佢係做好有野心，亦經常精益求精的角色，但通常隨住劇情的推進就會逐漸「黑化」，到最後都會係變成一個自私自利、為求達到目的不擇手段的人，就好似《再創世紀》入面的大商家賀天生Leo、又或者係《致命復活》入面被逼害的Vincent韋逸昇，當然唔少得郭晉安係《忠奸人》入面再令佢拎到視帝的律師高哲行。呢個角色可以話係郭晉安演藝路上的分水嶺，正式洗走係觀眾入面的「阿旺」形象，做忠又得，奸又得! 《白色強人》入面的Dr. Yeung，小編估計佢都係會似郭晉安近年飾演的角色咁，係醫療改革的大環境下慢慢滿足自己的野心，最後甚至可能變成「Final Boss」。
套劇另外就係睇日常以「兄妹」相稱的馬國明同唐詩詠，係劇集入面做一對「離婚夫婦」，之後Ali飾演的程洛雯Dr. Ching亦會鍾意咗馬國明飾演的Dr. Tong唐 明，形成一段三角關係。馬明唔係第一次做醫生，心水清的觀眾仍然會好記得佢之前《On Call 36小時》的一件頭張一健，最後亦係飲恨視帝。事隔多年，馬明再「從醫」，觀眾可以睇下佢進步到去邊。另外，因為「場外因素」的關係，馬明獲得的關注度亦一定多咗，就睇下可唔可以將個個關注度轉移番佢的事業上面。私心嚟講，馬明今年「封視帝」的機會大咗好多，一嚟《白色強人》同《降魔的2.0》一齊出街，二嚟距離上次「封視帝」呼聲最高已經隔咗7年，小編希望佢可以「二中一」啦！
而Ali同唐詩詠係入面亦可以直接睇到兩位視后的演技大比拼，小編喺上年頒獎禮嘅時候都多好次強調小編覺得唐詩詠拎視后果年其實唔係咁有說服力(《不懂撒嬌的女人》的女主角係宣萱飾演的凌敏)，嚟緊就睇下唐詩詠的Dr. So(Zoe)可唔可以證明佢真係可以！
Ref: TVB
請按此登錄後留言。未成為會員? 立即註冊