【繼續HEHE】《愛.回家之開心速遞》- George同池子孝「洗底」失敗?

尋晚的《愛.回家之開心速遞》劇情又講到George(張明偉飾)同池子孝(阮政峰飾)的「假HEHE情」。之前小編擔心熊心如(蘇韻姿飾)同George的「天才聯盟補習社」要「執笠」,好在心如大方咁繼續俾George繼續做佢的補習社拍擋,加上朱凌凌阿哥朱天梯TT(梁証嘉飾)好似同心如「愈行愈埋」,心如都應該開始擺脫George同池子孝「假HEHE情」的陰影。不過,當事人呢?睇嚟就仲要繼續HEHE啦!


讀者可以參考以上片段。George同池子孝係初戀Cafe食早餐的時候,因為俾豪仔喺威龍秘密網又擺咗池子孝阿爸池富(王俊棠飾)作為「平權司機」接受訪問的片段,所以睇住佢地食早餐更加覺得佢地係Gay。就連大龍生龍敢威(羅樂林飾)都深信佢地兩個真係Gay,仲話介紹多D教育界名人俾阿George,當係提攜後輩咁話。


另一方面,二太佘秀琴(蘇恩磁飾)同三太白天娥(樊亦敏飾)亦繼續爭風吃醋。因為佢地都知道池子孝係Gay佬的關係,就諗住用佢做一個人體測試,就係睇下佢地兩個的「性感」可唔可以打動到Gay佬池子孝,可以的話即係代表自己性感D,咁就更加有機會係大龍生威哥面前吸引到佢。呢個人體實驗梗係難為池子孝啦,又要幫三太拉拉錬,仲差D要睇埋二太著Lace吊帶襪,咁樣當然搞到池子孝「心跳加速」,不過係好驚果種!


係被二太三太一齊「輪完」之後,池子孝仲要俾師父根叔熊樹根(劉丹飾)插多一刀。原本池子孝諗叫等根叔幫佢澄清佢唔係Gay佬,因為佢曾經同熊心如拍拖,只要根叔肯同大家咁講的話,個個都會知道池子孝佢唔係HEHE。但根叔佢加多句:「不過,個個只不過係一個煙幕。」即刻搞到阿孝佢真係水洗都唔清。之後根叔自己意識到闖禍,因為佢咁樣一講可能會搞到池家絕後(無女埋阿孝身),所以終於肯幫池子孝對外澄清,仲好心咁叫佢的女同事拎埋演唱會門票去搵阿孝。但係唔適當的時候往往就有唔適當的事發生,女同事最後睇就係見到George同池子孝的「愛的抱抱」!

睇完成集真係覺得池子孝好陰公,本身之前DSE完應該就叫做任務完成,可以唔駛再幫George扮Gay佬,點知因為心如識穿搞到成件事更加複雜。到有機會澄清的時候又愈描愈黑,最慘係仲要被二太三太輪,求池子孝的「心理陰影面積」!


Ref: TVB

標籤: TVB  愛回家  開心速遞  George  張明偉  池子孝  阮政峰  

留言


請按此登錄後留言。未成為會員? 立即註冊
    快捷鍵:←
    快捷鍵:→