【葡萄!?】《娛樂大家》- 洪永城:有人接收「翠如BB」梗係好啦

雖然《大帥哥》已經播完一段時間(都差唔多半年囉),但今集的《娛樂大家》依然邀請《大帥哥》的演員做嘉賓,有飾演艾妞的楊秀惠,飾演三姨太沅婉的蔡思貝同埋喺劇集後期飾演「黑化」副帥馬炭的洪永城。但先講令小編失望的一點,今集難得《娛樂大家》係請《大帥哥》的演員做嘉賓,但居然無請到《大帥哥》入面的靈魂人物「大帥哥」狄奇張衞健,真係可惜(正如搵《鐵探》演員做嘉賓無理由唔請袁偉豪一樣),有佢玩「Cheat Chat」的話,應該可以cheat到其他嘉賓同「娛樂家族」頭都大埋,相信會好睇好多。當然,今集的三位嘉賓都玩得「放」!


讀者可以參考以上片段。「Cheat Chat」依然係成個節目的主要笑位。今集開始加入「娛樂家族」的林師傑應該破咗最快中招的記錄,因為佢地通常玩遊戲之前會先多謝預備野食的廚師Jacques同佢助手,今次林師傑佢頭上個牌正正就係「多謝Jacques」,想唔中都唔得啦,一開始就由Liza姐直接Trap左佢(譚嘉儀中嗰下就有少少「夾硬嚟」)。三位嘉賓的「防衛意識」其實都幾高,不過洪永城就先被人圍攻佢的女朋友。之後到楊秀惠諗住trap蔡思貝時,講中藥都可以連繫到「有身紀」,跟住個個即刻將目光放咗喺Dickson余德丞身上,Dickson都即刻幫口澄清,唔通八掛消息講嘅緋聞係真? 楊秀惠諗住trap人唔成,反而自trap,當Liza姐提番好耐之前同佢一齊拍劇,佢就自爆有「Baby fat」。


洪永城俾人攻擊完女朋友之後,就到佢俾人攻擊佢嘅拍檔黃翠如。其他人諗住洪永城成日喺鏡頭前都會串佢拍檔「翠如BB」,應該好容易trap到佢啦,但洪永城就好醒,偏唔中招,一直係咁讚黃翠如,連「好True,好Pure」的說話都講得出。跟住陸浩(陸浩明)一句:「洪永城,佢嫁咗俾蕭正楠,你有無一刻嬲過先?」終於搞到洪永城講:「有人接收佢梗係好啦 ! 」再被人追撃的情況下,佢一句:「咁佢完美囉 !」成功擋曬所有人的攻勢。


至於「Liza Magic」,作為呢個節目第二個笑位,可能之前俾網民批評話提示太明顯同埋太簡單,所以今次兩Round的難度都深咗唔少,加上字幕的提示都少咗,小編自己都估唔哂,唔知你係唔係兩Round都好似Bella林穎彤咁估中曬呢?


Ref: TVB

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→