呢幾日《倚天屠龍記》的劇情終於講到金花婆婆的「地頭」靈蛇島。係個度主角張無忌(曾舜晞飾)終於係冰火島之後再次見到佢義父「金毛獅王」謝遜(黑子飾)。但次次佢諗住衝動咁去同佢義父相認的時候，都被身邊機警的趙敏(陳鈺琪飾)阻止(睇黎主角的確係屬於衝動派，之前一係俾「光明左使」楊逍(林雨申飾)阻止，宜家又被趙敏阻止，仲要一集入面阻止好幾次)。但經歷左波斯明教使者(幾個鬼佬)突襲之後，主角佢地暫時係靈蛇島個度搵左個位「避一避風頭」，之後最期待的畫面要出現啦!
讀者可以參考以上片段。張無忌見到佢地暫時的處境叫做安全，所以佢就放心同義父相認(今次趙敏終於無阻止衝動的無忌)。一開始無忌跪低，嚇親「金毛獅王」。跟住張無忌講番謝遜係冰火島教佢的武功，可能謝遜佢俾人害得太多，加上佢一直聽番黎的消息都係話張無忌係中完「玄冥二老」的「玄冥神掌」之後已經死左，特別係蛛兒(曹曦月飾)佢講到喊哂咁更加令「金毛獅王」以為自己的義子已經遭遇不測。到宜家無啦啦有人話自己係張無忌，謝遜佢下意識以為呢個人又係好似之前其他害佢的人一樣係打「屠龍刀」的主意，所以就一把「屠龍刀」諗住「車埋去」。好彩張無忌講番係冰火島個陣，佢個名係謝無忌，係番中原之前謝遜自己叫無忌改番名做張無忌，呢個就係佢地可以相認番的關鍵!
見到佢地兩個時隔多年終於可以相認番，真係感動!無忌自從張翠山(李東學飾)同殷素素(陳欣予飾)都自盡之後，親人就只係得番謝遜呢個義父。但佢「闖蕩江湖」咁耐，一直都未有機會(或者係方法)番去冰火島搵佢的義父。係好彩趙敏聰明，先可以靠跟蹤金花婆婆去到靈蛇島搵番義父(都係趙敏醒，利申:敏黨!)對於「金毛獅王」謝遜，就更加有意義。佢一家已經俾成崑(樊少皇飾)所害，到張翠山同殷素素肯同佢結拜先多番個義子。之後諗住無忌跟父母番番佢GE江湖(即係中原)的時候，先知自己的義弟義妹最後因為自己而要自盡，義子又遭遇不測。所以同無忌可以係靈蛇島再遇番，對佢黎講絕對可以話係失而復得，唔知你又點睇呢?
Ref: TVB
讀者可以參考以上片段。張無忌見到佢地暫時的處境叫做安全，所以佢就放心同義父相認(今次趙敏終於無阻止衝動的無忌)。一開始無忌跪低，嚇親「金毛獅王」。跟住張無忌講番謝遜係冰火島教佢的武功，可能謝遜佢俾人害得太多，加上佢一直聽番黎的消息都係話張無忌係中完「玄冥二老」的「玄冥神掌」之後已經死左，特別係蛛兒(曹曦月飾)佢講到喊哂咁更加令「金毛獅王」以為自己的義子已經遭遇不測。到宜家無啦啦有人話自己係張無忌，謝遜佢下意識以為呢個人又係好似之前其他害佢的人一樣係打「屠龍刀」的主意，所以就一把「屠龍刀」諗住「車埋去」。好彩張無忌講番係冰火島個陣，佢個名係謝無忌，係番中原之前謝遜自己叫無忌改番名做張無忌，呢個就係佢地可以相認番的關鍵!
見到佢地兩個時隔多年終於可以相認番，真係感動!無忌自從張翠山(李東學飾)同殷素素(陳欣予飾)都自盡之後，親人就只係得番謝遜呢個義父。但佢「闖蕩江湖」咁耐，一直都未有機會(或者係方法)番去冰火島搵佢的義父。係好彩趙敏聰明，先可以靠跟蹤金花婆婆去到靈蛇島搵番義父(都係趙敏醒，利申:敏黨!)對於「金毛獅王」謝遜，就更加有意義。佢一家已經俾成崑(樊少皇飾)所害，到張翠山同殷素素肯同佢結拜先多番個義子。之後諗住無忌跟父母番番佢GE江湖(即係中原)的時候，先知自己的義弟義妹最後因為自己而要自盡，義子又遭遇不測。所以同無忌可以係靈蛇島再遇番，對佢黎講絕對可以話係失而復得，唔知你又點睇呢?
Ref: TVB
請按此登錄後留言。未成為會員? 立即註冊