【俾人當透明】-《後生仔傾吓偈》- 連馮盈盈都會俾人無視?!揭露娛樂圈「內幕」

隔左好耐無講《後生仔傾吓偈》,最近一班KOL就講到自己有冇試過俾人當透明,當中更大爆佢地係娛樂圈生存的「內幕」。讀者可以參考以下片段。



馮盈盈就先講自己俾一班「內地大媽」無視的經歷。跟住林秀怡就大爆佢係化妝間的「內幕」: 「你通常見到同事呢,三五識七都會Say個Hi。好假架ma! 」之後佢再補充話: 「有一個同事啦,見過幾次,但就無合作過GE,即係無對手戲過啦…..之後去到化妝間見到佢啦,我好興奮咁,唔知點解話Hello, Hello,你好呀,你好呀! 」點知佢直接俾人無視。


其實以上兩件事的共通點,好大原因都關娛樂圈生存其中一樣重要野,就係「名氣」!好出名的藝人又點會俾人無視呢?!唯有學張家輝的名言: 「你宜家無,但將來會有!! 」


不過小編覺得最好笑都係波波個分享。佢話通常D人太高,講野個陣又會俾人無視,聽唔到D人講野,所以要跳高先聽到!!一眾KOL都即刻指出「重點」:佢地就係要你「跳高」呀!!!至於點解,讀者可以自己領悟啦(奸笑)!

Ref: J2

標籤: J2  後生仔傾吓偈  馮盈盈  林秀怡  波波  

留言


請按此登錄後留言。未成為會員? 立即註冊
    快捷鍵:←
    快捷鍵:→