【星二代】- 鄭嘉穎與陳凱琳「愛情結晶品」出世!?

尋日小編曾撰文「趁情人節盤點幾對新婚夫婦近況」(可於文章底部直接按Link) ，但原來漏左一PAIR，就係漏左鄭嘉穎與陳凱琳（Grace）啦。各大媒體都報導Grace係情人節過後就係醫院生「愛情結晶品」。


雖然嘉穎係醫院俾記者野生捕獲個陣無直接回應BB出世未，只係講多謝關心，但通常「神通廣大」的娛樂記者都好少會收錯風。宜家未準確知道BB的性別，但都恭喜定嘉穎同Grace先!


係最初嘉穎同Grace公佈佢地有「愛情結晶品」個陣，佢係IG有講過: 「我和我太太想分享一份大禮物，就是我們家庭將會有一個小寶貝！❤☺雖然在成為父母的道路上仍然有很多東西要學習，但我們承諾，會盡最大的努力去照顧我們家庭的最新成員！」FANS可以耐心等佢地再同大家分享呢份喜悅!!!

Ref: 鄭嘉穎 & 陳凱琳IG