【點評】《皓鑭傳》– 劇情漸入佳境: 演員表現突出!!!

暫時睇左《皓鑭傳》一個星期。之前小編曾經撰文講過覺得第一集的節奏過快，劇情好似「三倍速」咁去(可以係文章底部的延伸閲讀按Link) ，可以話係自打嘴巴!因為經過第一集之後，劇情係節奏明快居多。讀者可以參考以下片段。


小編覺得短短幾集，幾個主要角色的性格都已經好出。李皓鑭(即係趙姬)(吳謹言飾)，一開始雖然都好似《延禧攻略》個陣的魏瓔珞咁樣俾人陷害，但小編睇的時候覺得吳謹言真係做到兩個角色出黎。通常D演員有套代表作之後，都會進入一個「撞牆期」(可以話係新秀牆) 。不過吳謹言做的皓鑭，做得出個種落難的大家閨秀的感覺，特別係作為一個舞姬表演同埋照顧秦王孫嬴異人(茅子俊飾)的時刻。《皓鑭傳》真係令小編對吳謹言呢位演員「再加分」!


到呂不韋(聶遠飾)，個種對現實不滿足，而抱有大志(野心)的感覺已經透過演技表現出黎。係個陣「士、農、工、商」的階級制下，呂不韋的「投機心態」令小編印象深刻。最表現到呢個特質唔係呂不韋同皓鑭的互動，而係佢同佢老豆交代「投資回報率」個陣，真係「數口精」!!!

上圖對白- 呂不韋:對住老豆都無哂計!

略略講下秦王孫，現階段戲份唔算多，但茅子俊已經做到個「心如止水」的形象出黎。無權無勢，但又看清全局，仲要應對趙國公主的熱情(都幾收放自如下!!)。好似個隱士，但又唔可以睇少佢!!!都睇到佢GE演技。唔知你又覺唔覺呢?

Ref: TVB