《倚天屠龍記》自從趙敏(陳鈺琪飾)出左場，感覺上劇情的節奏好似突然加快左好多，前晚個集就講到張無忌(曾舜晞飾)係「綠柳山莊」的「陷阱」入面同趙敏有肌膚之親，之後明教等人就去到少林寺發現少林個度俾人血洗，成個少林寺得番一個僧人(仲要係人地假扮)，佢地仲要發現係少林銅像後面刻左字，先知有人想嫁禍俾明教，同時發現武當派係不明人士的下一個目標，於是佢地就即刻趕去武當，而教主張無忌就最快衝到上去。
讀者可以參考以上片段。原來仲以為張無忌會即刻去搵佢的太師父張三豐相認，但張無忌見到張三豐係度療傷就知已經出事，因為個個假的少林僧人(即係張無忌佢地係少林寺見到個個)已經早明教一步去到武當山，仲要偷襲年紀大的張真人。呢個時候，趙敏佢就帶住一班手下去到武當山，仲要自稱明教教主張無忌!主角係隔離睇住，當然知道個個係趙敏啦，但佢無即埸揭穿佢。但小編反而諗點解張三豐聽到有人自稱係張無忌的時候無以為係佢識個個張無忌呢?(可能原著有講但劇集呢度無交代)係張三豐同明教教主係度傾下計的時候，明教的其他人陸續黎到武當山，咁當然即刻揭穿趙敏係冒牌的明教教主張無忌啦。
被揭穿身份之後，趙敏就要佢的手下搵受傷的張三豐「挑機」。見到有人要「蝦」自己的太師父，張無忌終於要出手啦，但佢先扮係武當派其中一個「小薯仔」，跟住又用「九陽神功」的內力去幫太師父療傷，之後再同太師父相認。張三豐於是就即刻教張無忌太極拳。原本見張無忌一邊學太極拳，一邊又話唔記得D招，仲諗緊無理由張無忌咁「水皮」，明明佢連勁難學的「九陽神功」同「乾坤大挪移」都學得識，就連其他係隔離睇住的明教教眾都覺得驚訝(周顛D反應真係好過癮) ，點知一出手就將當年害佢三師伯俞岱巖的奸人打到「飛出擂台」。之後對住另一個有份害佢六叔殷梨亭的奸人，張無忌再以太極拳打到對方廢左武功。再對住拎住倚天劍的「八臂神劍」方東白(今次把倚天劍係真)，張無忌就極速學識張三豐新創的太極劍，成功擊退佢!趙敏見唔對路，就帶埋班手下「閃人」。
估唔到張無忌同趙敏「綠柳山莊」相遇之後，咁快就會係武當山再遇。但方東白拎住把真的倚天劍，即係成班峨嵋派的人都被趙敏的手下捉左啦，芷若妹妹(祝緒丹飾)幾時可以再見番無忌哥哥呢?
Ref: TVB
讀者可以參考以上片段。原來仲以為張無忌會即刻去搵佢的太師父張三豐相認，但張無忌見到張三豐係度療傷就知已經出事，因為個個假的少林僧人(即係張無忌佢地係少林寺見到個個)已經早明教一步去到武當山，仲要偷襲年紀大的張真人。呢個時候，趙敏佢就帶住一班手下去到武當山，仲要自稱明教教主張無忌!主角係隔離睇住，當然知道個個係趙敏啦，但佢無即埸揭穿佢。但小編反而諗點解張三豐聽到有人自稱係張無忌的時候無以為係佢識個個張無忌呢?(可能原著有講但劇集呢度無交代)係張三豐同明教教主係度傾下計的時候，明教的其他人陸續黎到武當山，咁當然即刻揭穿趙敏係冒牌的明教教主張無忌啦。
被揭穿身份之後，趙敏就要佢的手下搵受傷的張三豐「挑機」。見到有人要「蝦」自己的太師父，張無忌終於要出手啦，但佢先扮係武當派其中一個「小薯仔」，跟住又用「九陽神功」的內力去幫太師父療傷，之後再同太師父相認。張三豐於是就即刻教張無忌太極拳。原本見張無忌一邊學太極拳，一邊又話唔記得D招，仲諗緊無理由張無忌咁「水皮」，明明佢連勁難學的「九陽神功」同「乾坤大挪移」都學得識，就連其他係隔離睇住的明教教眾都覺得驚訝(周顛D反應真係好過癮) ，點知一出手就將當年害佢三師伯俞岱巖的奸人打到「飛出擂台」。之後對住另一個有份害佢六叔殷梨亭的奸人，張無忌再以太極拳打到對方廢左武功。再對住拎住倚天劍的「八臂神劍」方東白(今次把倚天劍係真)，張無忌就極速學識張三豐新創的太極劍，成功擊退佢!趙敏見唔對路，就帶埋班手下「閃人」。
估唔到張無忌同趙敏「綠柳山莊」相遇之後，咁快就會係武當山再遇。但方東白拎住把真的倚天劍，即係成班峨嵋派的人都被趙敏的手下捉左啦，芷若妹妹(祝緒丹飾)幾時可以再見番無忌哥哥呢?
Ref: TVB
請按此登錄後留言。未成為會員? 立即註冊