【虐心】《愛.回家之開心速遞》- 金城安喺Bonnie面前「安心偷食」!?

《愛.回家之開心速遞》的劇情又番番去金城安(安仔)(S.O.)(周嘉洛飾)同Bonnie譚育英(林凱恩飾)呢一對 CP個度。雖然池美麗(鍾凱琪飾)已經由「小三」搖身一變成為左安仔的「契妹」,但其實池美麗仍然未放棄追到安仔架。另一方面,因為上次尚善老師熊尚善(滕麗名飾)的佈局,Bonnie聽到安仔同池美麗「鴛鴦浴玩泡泡」的錄音,就一直以為安仔只係借「契哥」之名,繼續同「契妹」有不尋常關係。偏偏尚善老師就係諗住用呢個方法去刺激Bonnie寫小說的靈感,難為Bonnie每日就要受到安仔「偷食」的陰影。


讀者可以參考以上片段。安仔係日常同Bonnie拍拖相處個陣,開始發覺Bonnie有D奇怪,有時就好Hyper,但有時又好抑鬱。更奇怪的係,Bonnie會突然間襲擊安仔,就好似某D人咁「一野打落去」。但同一時間安仔又發現Bonnie最近寫小說的靈感好澎拜,寫出黎的小說就連尚善老師同朱凌凌(吳偉豪飾)睇過都讚好。所以安仔就係問佢的母親大人先知Bonnie寫小說的靈感原來係同佢同池美麗之間有關係。係Bonnie見安仔只係掛住理池美麗的話,佢就會好有靈感咁寫佢最新的小說!


係安仔有決心咁「用佢的熱情將Bonnie融化」的時候,佢發現Bonnie的心情係好番D,但佢寫小說的靈感同質素反而差左。所以佢就諗住自己做「醜人」,連埋池美麗去刺激Bonnie的靈感!於是就有左圖書館個幕「咁嚇下」的情況。安仔同池美麗著住情侶裝係度組成個「箭射心心」的圖案,之後池美麗仲話想「契哥」幫手搵本叫「偷食無罪」的書,之後安仔突然間D就爆幾句英文出黎:「Oh my god, I like that book, I love that book, I love it actually, actually I 偷食 all the time!」真係唔單止睇到Bonnie眼火爆,就連小編都睇到硬哂(個拳頭)!


今集又係對Bonnie嚟講好虐心的一集,但其實有好幾個位都影射(或者抽水) 之前轟動娛樂圈的「安心偷食事件」,都抽得幾好笑,例如: 尚善老師係潮偉(袁文傑飾)面前講出「安仔」的金句:「佢覺得自己壞咗……」,而女方Bonnie又係會好似「安心偷食事件」咁原諒男方偷食:「男人玩完最緊要識得番屋企,安仔同美麗佢都應該係逢場作戲,唔會認真GE!」希望之後Bonnie唔駛再面對D咁虐心的場面啦,小編想見番個開開心心的譚育英,唔知你又係唔係呢?

Ref: TVB

如果喜歡我們的文章,請即分享到︰

標籤: TVB  愛回家  開心速遞  金城安  周嘉洛  Bonnie  林凱恩  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→