《白色強人》出街一星期，如果以劇力而言，小編覺得呢套劇絕對可以同之前好好收視的《鐵探》匹敵。不過，可以預計到今次套劇第一個星期的收視應該無《鐵探》首播個陣咁好，始終剛剛過去的個個星期香港發生好大件事。講番劇集本身，如果《鐵探》個陣宣傳的時候開宗明義講明係警察的「權鬥」劇，《白色強人》就可以話係醫療版的「權鬥」劇，所以都有網民睇完頭幾集話呢套劇似過往的《白色巨塔》，亦都有網民話似講外科醫生「大門未知子」的《Doctor-X》，主要側重咁講係醫療體制入面醫生之間的鬥爭。
讀者可以參考以上片段。雖然套劇係「醫鬥」劇，但劇情幾吸引，節奏明快。幾乎每一集都可以睇到唔同醫生「Show」佢的醫術。Dr. Yeung楊逸滔(郭晉安飾)同Dr. Tong唐明(馬國明飾)呢兩位男主角當然不在話下。就連其他女角色都已經先後有唔同的手術場面，例如Dr. Ching程洛雯(李佳芯飾)同Dr. Fong方書婷(馮盈盈飾)。之前睇宣傳片個陣見FYY馮盈盈講到喊，因為話驚自己做唔到醫生好專業個種感覺，暫時睇落佢做得幾好，期待佢之後的劇情可以自己做主刀去拯救病人。
如果要睇手術場面，暫時睇落幾乎集集都有，而且睇落個手術室的佈置都好專業(普通觀眾都好難睇到有D咩瑕疵，應該都係要行內人可以發現咩破綻掛)，所以如果嫌「權鬥」悶，都可以去睇下手術場面。唯一要挑剔的係，雖然知道醫院的場境唔係香港的醫院入面拍，但急症室的場面就略嫌「唔夠繁忙」，因為大家都知香港公立醫院的急症室(私家例外)，應該又多病人加醫護人員忙到踢哂腳，呢D位睇落相對無咁逼真。
角色方面，暫時最出位的應該係兩位男主角。雖然有網民批評郭晉安做的Dr. Yeung，係演繹手法個度同佢之前做的奸人角色太似，好似演技無咩進步，但小編睇落又未至於講到咁差，特別係楊逸滔去「恐嚇」個議員個Part，小編都覺得郭晉安做到個種陰險的感覺。至於Dr. Tong唐明，小編又幾認同網民講話佢好似日劇《Doctor-X》入面的超強外科醫生大門未知子(米倉涼子飾)，同樣醫術高明、討厭(或者厭倦)醫療體制，可以話係男版的「大門未知子」，不過小編就覺得唐明比較上更加有人情味，比起擁有「絕對自信」的「大門未知子」，唐明係最近個集都有表現到自己無信心的一面，需要前妻Dr. So(Zoe)(唐詩詠飾)的鼓勵。暫時睇落小編最鍾意唐明呢個角色，唔知你又點睇呢?
Ref: TVB
讀者可以參考以上片段。雖然套劇係「醫鬥」劇，但劇情幾吸引，節奏明快。幾乎每一集都可以睇到唔同醫生「Show」佢的醫術。Dr. Yeung楊逸滔(郭晉安飾)同Dr. Tong唐明(馬國明飾)呢兩位男主角當然不在話下。就連其他女角色都已經先後有唔同的手術場面，例如Dr. Ching程洛雯(李佳芯飾)同Dr. Fong方書婷(馮盈盈飾)。之前睇宣傳片個陣見FYY馮盈盈講到喊，因為話驚自己做唔到醫生好專業個種感覺，暫時睇落佢做得幾好，期待佢之後的劇情可以自己做主刀去拯救病人。
如果要睇手術場面，暫時睇落幾乎集集都有，而且睇落個手術室的佈置都好專業(普通觀眾都好難睇到有D咩瑕疵，應該都係要行內人可以發現咩破綻掛)，所以如果嫌「權鬥」悶，都可以去睇下手術場面。唯一要挑剔的係，雖然知道醫院的場境唔係香港的醫院入面拍，但急症室的場面就略嫌「唔夠繁忙」，因為大家都知香港公立醫院的急症室(私家例外)，應該又多病人加醫護人員忙到踢哂腳，呢D位睇落相對無咁逼真。
角色方面，暫時最出位的應該係兩位男主角。雖然有網民批評郭晉安做的Dr. Yeung，係演繹手法個度同佢之前做的奸人角色太似，好似演技無咩進步，但小編睇落又未至於講到咁差，特別係楊逸滔去「恐嚇」個議員個Part，小編都覺得郭晉安做到個種陰險的感覺。至於Dr. Tong唐明，小編又幾認同網民講話佢好似日劇《Doctor-X》入面的超強外科醫生大門未知子(米倉涼子飾)，同樣醫術高明、討厭(或者厭倦)醫療體制，可以話係男版的「大門未知子」，不過小編就覺得唐明比較上更加有人情味，比起擁有「絕對自信」的「大門未知子」，唐明係最近個集都有表現到自己無信心的一面，需要前妻Dr. So(Zoe)(唐詩詠飾)的鼓勵。暫時睇落小編最鍾意唐明呢個角色，唔知你又點睇呢?
Ref: TVB
請按此登錄後留言。未成為會員? 立即註冊