【無劇透】《倚天屠龍記》 淒美的愛情故事: 張翠山與殷素素

當個個都講緊《復仇者聯盟4:終局之戰》唔好劇透的時候(放心,小編唔係諗住劇透),小編呢排睇緊的《倚天屠龍記》就唔存在劇透呢個問題,最多只可以話呢個版本同原著相比還原度高唔高,又或者同之前其他的版本分別大唔大。小編再一次利申先,因為無睇過原著,電視版本亦都只係睇過吳啟華的版本(已經唔記得劇情),所以如果講的內容有所得罪,請各大俠多多包涵。而且小編亦都只係跟TVB播緊的版本去睇呢套新版,純粹當一套全新的武俠片咁睇,無專登上網追劇。


讀者可以參考以上片段。最新一集毫無疑問係暫時劇情最慘的情節,係一班武林高手上武當山借祝賀「武當派」的張真人之名,實際係「尋仇」的時候,張翠山(李東學飾)同殷素素(陳欣予飾)呢對苦命鴛鴦有個淒美的結局。個個都係咁追問「金毛獅王」謝遜(黑子飾)的下落,而張翠山又「好老實」咁認左謝遜係自己的義兄,群眾壓力就更加大。終於,張翠山為左顧全「武當派」的顏面,決定係咁多個人面前「一死以謝天下」。年紀輕輕的張無忌就親眼睇住自己阿爹自盡,真係好大打撃。


之後殷素素攬住無忌話:「你要記住佢地每一個人的樣,佢地每一個人的身上都有你阿爹的血!!」呢句野真係無講錯,如果唔係呢班所謂的「武林正派」為左把號令天下的屠龍刀,一直咄咄逼人,張翠山都未必會以自盡去「塞住」佢地吧口。但對於年幼的無忌黎講,打撃一個接一個。就連自己娘親殷素素都諗住跟隨佢五哥的腳步(又或者係以死去償還過往的罪孽),攬住張翠山一齊死,變相係佢一日之內就睇住自己阿爹阿娘一齊走,真係慘。


張翠山同殷素素的愛情,曾經以為可以天長地久,最後都受唔住現實帶來的壓力,而且兩個之間的矛盾亦都被迫揭露(殷素素間接害到張翠山的三哥俞岱巖全身癱瘓),好可惜!!如果繼續係冰火島「避世」的話,佢地亦都唔洗面對各方的壓力。以為番到中原就真係好似謝遜臨別之前講咁樣,搵到屬於無忌的「江湖」,點知係令無忌咁細個就已經知道「江湖」險惡,所謂的武林正派變左害佢父母的仇人。自己仲要一返中原就遭到伏撃,中埋招「玄冥神掌」,雖然知道無忌有主角光環,之後一定無事,但佢真係多災多難啊!唔知你又點睇張翠山同殷素素的愛情呢?


Ref: TVB

如果喜歡我們的文章,請即分享到︰

標籤: TVB  倚天屠龍記  張翠山  殷素素  張無忌  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→