《愛．回家之開心速遞》呢套處境劇已經係TVB的鎮台之寶。雖然之前收視俾《鐵探》超越左，但只係一個星期，就已經成功逆襲，可以見到呢套劇的威力。論卡士，劇入面的演員未必比得上其他重頭劇，但劇情創新，生活化黎又「貼地」，所以好受觀眾歡迎。最新個集就講「威龍滅蚊隊」的成立，宣傳滅蚊信息，唔講仲以為係衞生署贊助，等大家準備夏天對抗登革熱!
讀者可以參考以上片段。接龍集團入面突然有蚊患，阿Max龍力士(鄭世豪飾)仲搞到中埋登革熱入醫院，所以大龍生龍敢威(羅樂林飾)就一聲令下，要大小姐龍力蓮(林淑敏飾)處理呢單野。大小姐佢係Terry (李偉健飾)變左「醒目仔」之後係公司的地位一落千丈，自然要借呢次滅蚊行動「省番靚」個招牌(已經係大小姐近期最大的任務)。所以一層壓一層的情況下，「尋寶圖」上上下下就自動改組做「威龍滅蚊隊」，為「大小姐復興行動」出一分力。大小姐仲請到係威龍清潔部入面得高望重的群姐Isabella (許思敏飾)做滅蚊教練，過番一招半式俾滅蚊隊。最好笑都係大小姐串阿Max個句: 「由於近日有一個好廢的管理層染上左登革熱……」(阿Max聽到的話情何以堪呢?)
除左大家本身都已經知的防蚊知識之外，「威龍滅蚊隊」執行任務的時候都笑料百出。例如: Rebecca葉碧嘉(沈可欣飾)長期已經「無仔埋身」，當連佢朝思暮想的鐵面陳都只係為左「Practice English」先搵佢傾計個陣，佢個桃花陣輕易就因為唔可以有積水而俾滅蚊隊摧毀左。另外，「尋寶圖」入面最索的員工(已經榮升Terry俏秘書的Anita(梁茵飾)都成為滅蚊隊的受害者。佢個支唔知係自己買亦或係「兵仔」送的香水，因為無左個蓋遮住，慘變一支「積水」，真係陰公囉!!最後大小姐仲要親自出馬，配備專業滅蚊裝備，做埋「威龍滅蚊隊」!
小編覺得《愛．回家之開心速遞》的編劇真係應該加人工啦!明明一D個個都知的防蚊措施，可以睇落唔覺得「突兀」，就咁睇緊呢集的時候，小編甚至覺得呢集係衞生署贊助拍的滅蚊特輯(因為之前記得有一至兩集係澳門旅遊局贊助，另外又有集係長隆贊助)，唔知你又覺唔覺呢?
Ref: TVB
讀者可以參考以上片段。接龍集團入面突然有蚊患，阿Max龍力士(鄭世豪飾)仲搞到中埋登革熱入醫院，所以大龍生龍敢威(羅樂林飾)就一聲令下，要大小姐龍力蓮(林淑敏飾)處理呢單野。大小姐佢係Terry (李偉健飾)變左「醒目仔」之後係公司的地位一落千丈，自然要借呢次滅蚊行動「省番靚」個招牌(已經係大小姐近期最大的任務)。所以一層壓一層的情況下，「尋寶圖」上上下下就自動改組做「威龍滅蚊隊」，為「大小姐復興行動」出一分力。大小姐仲請到係威龍清潔部入面得高望重的群姐Isabella (許思敏飾)做滅蚊教練，過番一招半式俾滅蚊隊。最好笑都係大小姐串阿Max個句: 「由於近日有一個好廢的管理層染上左登革熱……」(阿Max聽到的話情何以堪呢?)
除左大家本身都已經知的防蚊知識之外，「威龍滅蚊隊」執行任務的時候都笑料百出。例如: Rebecca葉碧嘉(沈可欣飾)長期已經「無仔埋身」，當連佢朝思暮想的鐵面陳都只係為左「Practice English」先搵佢傾計個陣，佢個桃花陣輕易就因為唔可以有積水而俾滅蚊隊摧毀左。另外，「尋寶圖」入面最索的員工(已經榮升Terry俏秘書的Anita(梁茵飾)都成為滅蚊隊的受害者。佢個支唔知係自己買亦或係「兵仔」送的香水，因為無左個蓋遮住，慘變一支「積水」，真係陰公囉!!最後大小姐仲要親自出馬，配備專業滅蚊裝備，做埋「威龍滅蚊隊」!
小編覺得《愛．回家之開心速遞》的編劇真係應該加人工啦!明明一D個個都知的防蚊措施，可以睇落唔覺得「突兀」，就咁睇緊呢集的時候，小編甚至覺得呢集係衞生署贊助拍的滅蚊特輯(因為之前記得有一至兩集係澳門旅遊局贊助，另外又有集係長隆贊助)，唔知你又覺唔覺呢?
Ref: TVB
請按此登錄後留言。未成為會員? 立即註冊