【爭上位】《鐵探》難得"有睇頭"的文戲?

TVB一開始宣傳嗰陣,都話《鐵探》同之前的警匪片有大分別,因為佢係一套「警鬥劇」,以「權鬥」為主線。適逢尚垶(袁偉豪飾)「入廠大修」,而Bingo(姜皓文飾)又繼續潛逃,劇情就集中講番Madam Man萬晞華(惠英紅飾)同Samuel程宇森(黃智賢飾)的權鬥。小編覺得呢集難得係「全文戲」,完全無咩動作場面,但依然好有火花!


讀者可以參考以上片段。之前劇情講到警務處處長(石修飾)要調Samuel「Under」萬晞華,特別係明知Samuel仲喺投訴及內部調查科已經查緊Madam Man,咁擺明搞到Samuel好難堪。Madam Man就正正覺得「機會嚟啦,飛雲!」仲唔係一個好機會整死程宇森呢個「眼中釘」,所以就好「春風得意」咁同Samuel亂講野,點知原來處長都聽到哂。所以佢就同Samuel搵Madam Man去「擲鏢」(Make appointment)!經過處長介入之後,Samuel要係10日內整好西九龍總區的人事調動名單。雖然佢想將警隊的「山頭主義」整走,但始終萬晞華紮根喺西九,好多下屬都唔敢逆萬晞華的意思(迷之聲:或者係This is order,萬晞華講呢句唔加man)。到左10日之後,Samuel照整左佢心目中的名單,將萬晞華幾個得力下屬都調走。


Madam Man睇完個名單之後當然「眼火爆」,即刻整左句好似《寒戰》入面郭富城的名言:「叫哂膊頭有花的番黎開會!!!」諗住一次過「整死」程宇森。跟住班下屬梗係全部衝返Office。好彩處長知道事態不妙,一早同會議室入面的人「打定底」,所以到開會個下萬晞華就睇住自己的得力手下「叛變」!!之後仲要好似片段入面咁要用「全家幅」係處長面前求情。


小編之所以覺得呢集有火花,一嚟係紅姐惠英紅同阿Ben黃智賢好戲。二嚟係成場萬晞華手下「叛亂」的成功,仲要多得背後兩位人士的策動。佢地就係程宇森的太太Carrie(陳敏之飾),另外仲有Carrie的前夫賤Kan(許紹雄飾)(程宇森同呢兩個人的關係應該會係另一個看點!)正直的Samuel唔擅長玩「權鬥」,所以太太Carrie就要喺背後奔波。見到Carrie應賤Kan要求去酒店房搵房佢嗰陣,小編都諗緊佢有無「賣身換情報」(暫時睇就應該無,佢地只係係酒店房飲酒傾野……)雖然Carrie本身係想幫Samuel,但Samuel都已經開始發現「唔對路」,睇黎佢地的婚姻應該之後會出事。成集嚟講,劇情有張力,難得文戲「有睇頭」!唔知你覺唔覺呢?


Ref: TVB

如果喜歡我們的文章,請即分享到︰

標籤: TVB  鐵探  萬晞華  程宇森  Carrie  賤Kan  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→