最近睇左套日劇《仰望師恩》(港譯：作樂英才)，從劇名大概都估到，劇情就係講某位熱血教師，點樣透過音樂感化學生，將一間三流學校帶上全國舞台，雖然有啲老套，不過套劇又拍得幾好睇，可能因為本身係由真人真事改編，成件事感覺有說服力得多。
＜互聯網圖片＞
套劇冇乜星級卡士，大家亦可能未睇過，而且只得短短八集，不過如果閣下對音樂有興趣，當下又有多少迷惘既話，呢套劇應該會幾唔錯，所以希望呢篇文可以引起各位興趣啦！
【延伸閱讀】《仰望師恩》日劇改編高中管樂團立志傳
劇中演熱血教師既係老牌演員寺尾聰，而佢飾演既「樋熊老師」，嗰份熱血來自將學生當成可以信任既同伴，溫柔得黎好有感染力，即使只係追緊劇，感覺都好似跟隨住佢，同劇中美崎高中班學生，一齊追逐「全國管樂大賽」既夢想。
＜東方新地圖片＞
成套劇都圍繞住「夢想」呢個題材，劇中樋熊老師所做既，就係幫就快畢業既高中生，搵到佢地真正想做既野，然後一齊追逐夢想，最後反而係呢班學生，畀左離開人世前既老師，人生中最後一個夢想。
對於夢想，每個人既諗法都未必相同，樋熊老師呢句對白，小弟覺得幾有啟發：
「雖然過程中無做到咩特別野，只係專注投入咁做一件事，但能夠專注投入，就係實現夢想既重要一環。有啲夢想，得一個係實現唔到；有啲感情，自己一個感受唔到。」
＜互聯網圖片＞
亦都由於呢個原因，對於音樂，樋熊老師有佢既信念，認為要奏出好既音樂，首先要創造出好既團隊。樋熊老師經常強調，真正強大既團隊，唔係單靠技術實力，更重要係能夠互相信任。一個團隊裡面，無論邊個都會有缺點，都會有自卑既地方，唯有互相信任，先可以融合團隊裡唔同個性。
＜互聯網圖片＞
雖然有啲說教味道，不過寺尾聰演繹得唔會令你覺得煩厭，而劇中有唔少對白，小弟都幾有感覺，例如佢初到學校時，就同學生講點去用心編織一段旋律：「管樂雖然係用手同口演奏，但真正演奏緊既其實係內心。」全劇都反覆強調，人生在世，無論係玩音樂，抑或同人相處，最重要就係講heart。其實就算唔係玩音樂，間唔中都需要撫心自問一下，自己內心真正既諗法係點。
＜互聯網圖片＞
另一句小弟喜歡既對白，係樋熊老師講「失敗」。成世流流長，總唔會一帆風順，點樣面對失敗都係學問，而正能量特多既樋熊老師，就選擇以欣賞既態度看待失敗：「就算失敗都無須氣餒，因為失敗係向前邁進既證據。」唔做唔錯，但唔錯既同時，亦都意味住原地踏步，失敗或者至少都代表，曾經為所想既野努力嘗試過。
雖然樋熊老師成日講道理，但如果佢無去過間學校，就唔會凝聚到一班，原本好似條鹹魚咁冇夢想既學生，為全國大賽冠軍既目標而努力。睇完套劇，更加覺得能夠遇到一位好似樋熊咁既老師，絕對係一種福氣。
＜互聯網圖片＞
雖然唔知身處「買樓等如成功」既香港地，講夢想會唔會係好離地，不過假如大家依然仲有想做既事的話，希望各位會好似樋熊老師劇中成日掛喺嘴邊既呢句咁：「唔好畀心入面團火熄滅！」共勉～
筆者的Facebook專頁「講樂﹒過路人」，有更多廣東歌跟大家分享，希望多多支持！
https://www.facebook.com/shingster1412/
＜互聯網圖片＞
套劇冇乜星級卡士，大家亦可能未睇過，而且只得短短八集，不過如果閣下對音樂有興趣，當下又有多少迷惘既話，呢套劇應該會幾唔錯，所以希望呢篇文可以引起各位興趣啦！
【延伸閱讀】《仰望師恩》日劇改編高中管樂團立志傳
劇中演熱血教師既係老牌演員寺尾聰，而佢飾演既「樋熊老師」，嗰份熱血來自將學生當成可以信任既同伴，溫柔得黎好有感染力，即使只係追緊劇，感覺都好似跟隨住佢，同劇中美崎高中班學生，一齊追逐「全國管樂大賽」既夢想。
＜東方新地圖片＞
成套劇都圍繞住「夢想」呢個題材，劇中樋熊老師所做既，就係幫就快畢業既高中生，搵到佢地真正想做既野，然後一齊追逐夢想，最後反而係呢班學生，畀左離開人世前既老師，人生中最後一個夢想。
對於夢想，每個人既諗法都未必相同，樋熊老師呢句對白，小弟覺得幾有啟發：
「雖然過程中無做到咩特別野，只係專注投入咁做一件事，但能夠專注投入，就係實現夢想既重要一環。有啲夢想，得一個係實現唔到；有啲感情，自己一個感受唔到。」
＜互聯網圖片＞
亦都由於呢個原因，對於音樂，樋熊老師有佢既信念，認為要奏出好既音樂，首先要創造出好既團隊。樋熊老師經常強調，真正強大既團隊，唔係單靠技術實力，更重要係能夠互相信任。一個團隊裡面，無論邊個都會有缺點，都會有自卑既地方，唯有互相信任，先可以融合團隊裡唔同個性。
＜互聯網圖片＞
雖然有啲說教味道，不過寺尾聰演繹得唔會令你覺得煩厭，而劇中有唔少對白，小弟都幾有感覺，例如佢初到學校時，就同學生講點去用心編織一段旋律：「管樂雖然係用手同口演奏，但真正演奏緊既其實係內心。」全劇都反覆強調，人生在世，無論係玩音樂，抑或同人相處，最重要就係講heart。其實就算唔係玩音樂，間唔中都需要撫心自問一下，自己內心真正既諗法係點。
＜互聯網圖片＞
另一句小弟喜歡既對白，係樋熊老師講「失敗」。成世流流長，總唔會一帆風順，點樣面對失敗都係學問，而正能量特多既樋熊老師，就選擇以欣賞既態度看待失敗：「就算失敗都無須氣餒，因為失敗係向前邁進既證據。」唔做唔錯，但唔錯既同時，亦都意味住原地踏步，失敗或者至少都代表，曾經為所想既野努力嘗試過。
雖然樋熊老師成日講道理，但如果佢無去過間學校，就唔會凝聚到一班，原本好似條鹹魚咁冇夢想既學生，為全國大賽冠軍既目標而努力。睇完套劇，更加覺得能夠遇到一位好似樋熊咁既老師，絕對係一種福氣。
＜互聯網圖片＞
雖然唔知身處「買樓等如成功」既香港地，講夢想會唔會係好離地，不過假如大家依然仲有想做既事的話，希望各位會好似樋熊老師劇中成日掛喺嘴邊既呢句咁：「唔好畀心入面團火熄滅！」共勉～
筆者的Facebook專頁「講樂﹒過路人」，有更多廣東歌跟大家分享，希望多多支持！
https://www.facebook.com/shingster1412/
請按此登錄後留言。未成為會員? 立即註冊