【夢想為何物】La La Land觀後感-關於夢想的二三事

講樂‧過路人 於 12/02/2017 發表 收藏文章
好評如潮既《La La Land》(星聲夢裡人),係香港上映已經一段時間,最近小弟終於入戲院,睇左呢部榮獲奧斯卡多項提名既電影,睇完亦諗起些少關於「夢想」既事,想同大家分享一下,順便講講小弟對呢部戲既感覺。

<互聯網圖片>


* 好欣賞男、女主角對夢想既執著,難得有伴侶一齊追逐夢想固然好,但若然雙方唔能夠同步,隨之又會產生其他問題...有時覺得夢想睇落好個人,不過總會牽涉其他野,變得唔再只系個人既事...

* 幾鍾意男主角畀朋友叫佢夾歌、出碟、巡唱既twist。為左實現自己最根本既既夢想,你會願意做一堆比較商業、為滿足其他人而做,但唔系自己真正想做既野嗎?

* 主題曲好好聽,小弟尤其鍾意貫穿全套戲既《Mia and Sebastian's theme》,睇完就好想彈下首歌


* Ryan Gosling好勁,演得好又有型已經架勢,仲要唔使替身都彈到曉飛,小弟作為男人都畀佢吸引住

* 初頭麻麻地女主角既設定,但Emma Stone貴為實力派,演起上黎慢慢就令小弟入戲,睇完感覺又幾討好

* 主線劇情驚喜唔算太大,感覺有種荷里活大片既公式,只系今次以音樂劇形式呈現

<香港01圖片>


* 幾場大型歌舞戲都拍得好好睇,不過對小弟黎講,共鳴其實唔算太大

* 比較惹起小弟共鳴既歌舞戲,系男、女主角首次於酒吧相逢;男主角系海邊同老夫婦跳舞;女主角面試講自己阿姨呢幾幕

* 結局唔系童話式ending,但現實同幻想永遠有分別,呢個結局小弟覺得已經算唔錯,即使男、女主角最後冇一齊,但至少能夠完成當初各自既夢想,咁樣已經好好喇

* 其實最近都會諗,到底點樣先稱得上叫一個夢想。小弟覺得,夢想從來都無分大細,或者喺人生唔同階段,自自然然就會因應身邊既人,而有唔同既夢想。呢刻既你,又會有乜野夢想呢?

<互聯網圖片>


筆者的Facebook專頁「講樂.過路人」,有更多廣東歌跟大家分享,希望多多支持!

標籤: 星聲夢裡人  La la land  

留言


請按此登錄後留言。未成為會員? 立即註冊
    快捷鍵:←
    快捷鍵:→