本地作曲人系列: Larry Wong

要數近年本地作曲界既中流砥柱, 相信大家對Larry Wong (黃思律) 呢位創作人唔會陌生。擅於寫抒情作品既佢, 年均產量或者只得數以十計, 但作品多數被用作派台主打作, 亦連續幾年拎到唔少具代表性既獎項, 足以證明呢位譜曲人既功力。

資料來源: 太陽娛樂

四年前, 一首《流淚行勝利道》成功打響Larry Wong既名堂。一首可以拎到叱吒至尊金曲既作品, 一首拎到新城年度勁爆歌曲獎既歌曲, 雖知好多出道多年既歌手都未嘗攞過呢類獎 (涉及複雜既因素, 譬如唱片公司既影響力、同電台既利益關係, 歌手既知名度、實力, 整體傳唱度等等)。

呢首pop-rock作品, 帶濃厚既搖滾風味, 整體上編曲既佈局分明。更驚喜既係有別於以往演繹慢歌既風格, 許志安既唱腔感覺歷盡滄桑, 唱呢類鼓舞人心既作品都幾有說服力, 俾到樂迷唔少既新鮮感, 同帶出歌曲既主題: 生活上面到挫折, 與其怨天尤人, 不如調整心態, 因為總有前路可以掌握。

流淚行勝利道 許志安
https://www.youtube.com/watch?v=Kjb25cAJJbo


以近年樂壇既質素而言 (站喺普通聽眾既角度), 要寫一首傳唱度高、夠搶耳、拎到獎既K歌難度唔低, 尤其係K歌既旋律變化唔大, 喺固有既柜柜下限制左創新既空間, 二來或者作曲人既質素未夠, 時時俾唱片公司吹交貨, 商業化扼殺左唔少創作靈感; 又可能係千禧年頭K歌濫氾既時代, 已經用盡唔少熟悉而夠搶耳既melody。

而Larry Wong寫既K歌, 編曲唔算複雜, 多數只得鋼琴、弦樂等伴奏, 但勝在記憶點夠。2015年「坤哥」既慘情作品《原來她不夠愛我》拎左叱吒我最喜愛歌曲大獎, 可能有人話係因為佢既人氣先幫佢贏到獎, 但無可否認呢首歌夠大路, 配合兵歌既主題, 足以賺到唔少分數。

原來她不夠愛我 吳業坤
https://www.youtube.com/watch?v=AphrA76OpnE

其他K歌之作:

忍 林欣彤
https://www.youtube.com/watch?v=jOcK2nsS5xk

痛醒 許廷鏗
https://www.youtube.com/watch?v=z40sHdWSgZI

不一定 劉浩龍
https://www.youtube.com/watch?v=08r7w7-Lkr0

其實唔淨只係K歌, Larry Wong寫既歌亦適合唔同主題既題材, 好似係有關父母情懷、幸福與摰愛、青蔥歲月既暗戀故事等等。由洪卓立演繹既《回到最愛的那天》, 有別於以往拿手既典型情歌, 歌曲強調「珍惜」, 人生有好多事未知幾時係最後一次, 好多時「身在福中不知福」。重要時刻好似同家人共聚天倫、同朋友、情人相處時既點點滴滴、又或者覺悟時先意識到要修補過錯, 好多人永遠唔知道呢啲野最後一次係幾時, 所以快樂要盡情、及時, 珍惜每一刻, 盡可能好好享受每一日。

回到最愛的那天 洪卓立
https://www.youtube.com/watch?v=zT3gzLu8PxU

由石修聲演既父親獨白版, 亦深情演繹左好多時大家視為理所當然, 實情難能可貴既野。到領略時, 或者經已太遲。

回到最愛的那天 (石修聲演版)
https://www.youtube.com/watch?v=uwoAo4LueFI

16年「坤哥」既《百姓》, 亦唔係普通既慘情K歌, 而係填詞人黃偉文為佢度身訂造既作品, 歌曲講述自己既現實遭遇, 由「做棋」以至俾人話係「暗星」。而歌詞亦可以引伸至社會實況, 「總有些人在山頂 總有些人在山腳」, 高山與低谷之別雖無奈, 但作為百姓並唔需要因為自己既平凡、自己既低下而自棄, 反而要做好自己。

百姓 吳業坤
https://www.youtube.com/watch?v=vH4Ga2nkP1g

由胡鴻鈞演繹既《朋友身份》, 前奏一記悠揚既口風琴伴奏, 直接引領聽眾番番去青春時代。朋友呢道究竟係界線, 抑或係前進既契機? Hubert完完全全handle到呢類歌, 情感既拿捏、高低音既掌握恰到好處。

朋友身份 胡鴻鈞
https://www.youtube.com/watch?v=6sRtWrV2VvQ

其他由Larry Wong譜曲, 值得一聽既作品:

其實你很美 許廷鏗
https://www.youtube.com/watch?v=Z4e59iFSTdw

說一句 連詩雅
https://www.youtube.com/watch?v=LmDihOyAJUs

吳業坤 / JW – 原來只因深愛著
https://www.youtube.com/watch?v=F-7k3q_v7sA


呢排開設既facebook page「你有你講 我有我講 不如講下香港樂壇呢」, 請多多支持!

https://www.facebook.com/localmusic927/

如果喜歡我們的文章,請即分享到︰

標籤: 香港樂壇  作曲人  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→