創作上的瓶頸? Christopher Chak式的旋律

每逢提到Christopher Chak (澤日生), 總會諗起佢獨有既作曲風格: 以鋼琴、弦樂為主既華麗編曲, 音調上密密麻麻既推進, 高低跌宕既旋律… 那些年橫掃樂壇頒獎禮的歌曲, 如富士山下、任我行、獨家村等, 略略咁聽歌曲既前奏, 總有一首你會有所印象。

富士山下
https://www.youtube.com/watch?v=a1lVf3jZdi8

獨家村
https://www.youtube.com/watch?v=gUphj5YeW2Q


亦有部份既經典作品, 相信令聽者聽出耳油。好似係謝安琪既鍾無艷, 張敬軒既披星戴月、不吐不快等等。而當年回歸樂壇既孫耀威, 佢既<自愛>, 亦都係好多人既回憶。被視為當年M記既主題曲, 麥家瑜既<好得很>, 都係一首熱播既歌曲。

自愛
https://www.youtube.com/watch?v=oTmhHv6nfDs

好得很
https://www.youtube.com/watch?v=J2uD1UXLTVs

自成一格既創作方式, 雖說多年來作品既產量唔多, 但演繹既多數為大牌歌星, 喺派台成績上都有好唔錯既成績。但成績既高低, 好多時取決於背後既關係, 特別係歌手、唱片公司以至電台本身千絲萬縷既利益關係。而回歸歌曲本身, 近十年來佢既作品似乎無太大突破, 曲風維持以慢板歌曲為主, 一式一樣既鋼琴、弦樂等固有配樂, 旋律上唔見太多變化。而情況就似以往部份既創作人, 以「倒模式」的手法寫歌。開始偏向商業化既曲風, 就算喺歌詞上配以人生哲學等題材, 都重新包裝唔到歌曲既空洞。

或者試聽一下, 今年寫俾泳兒既兩首作品。歌詞題材算係比較有深度, <一隻小豬>講到現實與童話的差距, 苦盡唔一定甘來, 一分耕耘未必等同有相當收穫; 而<搖籃曲>就講到母女之間既對話同點滴, 雙方或有代溝, 但透過溝通相信可以化解當中既矛盾。但論旋律, 開首以固有既鋼琴、弦樂作前奏, 似乎係典型既港式旋律。副歌記憶點相對普通, 未算得係上佳既作品。

一隻小豬
https://www.youtube.com/watch?v=6gyZyIu0SUw

搖籃曲
https://www.youtube.com/watch?v=9LGl540oaeE

事實上, 作曲人好難確保每一首作品都有上佳既質素, 有時候交出既作品, 或多或少被稱作「行貨」, 都唔太出奇。好似係寫俾許廷鏗既兩首, 旋律唔見得出眾, 算係相對平庸既作品。

向幸福出發
https://www.youtube.com/watch?v=NRZ86W-4BfM

絕口不提
https://www.youtube.com/watch?v=9_VnRRjHoxM

但有時候, 可能, 我地唔需要要求得太多。無記錯, Christopher Chak係一個業餘作曲人, 正職係一個心理分析師, 佢鍾意作曲, 亦都相信音樂對心理治療既重要性。作為一個非專業既音樂人, 佢為樂壇既貢獻唔少, 多年來既作品水準不俗, 對佢作品既批評聲音, 有時都要考慮一下作曲人既身份。當然, 如果Christopher Chak喺作曲風格上再有突破, 相信係樂壇既喜訊, 始終未知源自改變, 但維持固有既方式, 未必可以得到更多。

最後想再分享一下呢位作曲人既最新作, 首次包辦作曲、監製既單位, Christopher Chak寫俾陳曉東既<時間做證>, 曲風一如以往既風格, 但整體上記憶點不俗, 陳既演繹亦都好到位。

時間做證
https://www.youtube.com/watch?v=qT0azaeR2L8

亂了星座 (舊曲新唱, 原版為國語版)
https://www.youtube.com/watch?v=PyXPZulmJY0

其他值得一聽既sidetrack:

舊好
https://www.youtube.com/watch?v=8u2ARfQaF9o

不方便的真相
https://www.youtube.com/watch?v=rvOAjpzegDA

塵埃落定
https://www.youtube.com/watch?v=yPNFWHoJHLo

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Skye Chor
    Skye Chor 於 11/11/2017 評論 NO. 1

    其實國語同廣東歌而家好偏向用stepwise progression 除左好順耳之外都好易寫

  • 陳展立
    陳展立 於 11/11/2017 評論 NO. 2

    從來都好留意詞。。曲真係冇留意幾個。。多謝呢段報道。。留意返呢個作曲人

  • Ian Leung
    Ian Leung 於 11/11/2017 評論 NO. 3

    其實國際上最出名既歌手嚟嚟去去得幾個熟手/啱佢哋feel嘅chord/旋律,有啲youtubers make fun 過

快捷鍵:←
快捷鍵:→