輝陽盛世 一去不復返?

喺近二十年既香港樂壇, 豐富既弦樂編排, 古典格調而富流行元素, 第一時間你會諗起邊個作曲人? 今日想同大家講下, 就係呢位獲獎無數, 有一定知名度既作曲人 - 陳輝陽。



唔單只係K場, 喺香港好多既角落, 都可以聽到呢位作曲人既經典作品, 好似係商場既背景音樂以至機倉裡面既純音樂, 可想而知佢筆下作品既廣傳度。千禧年頭可以話係陳輝陽人生既高峰, 作品產量其實唔算多, 但勝在質素上佳, 好多派台歌係陳奕迅、容祖兒、楊千樺、鄭秀文等一線歌手既演繹下, 都取得出色既成績。

Shall We Talk
https://www.youtube.com/watch?v=7MO58UGhZdk

終身美麗
https://www.youtube.com/watch?v=l2C84SEtifQ

痛愛
https://www.youtube.com/watch?v=qkT4Mxmm92g

少女的祈禱
https://www.youtube.com/watch?v=dct1kzcorUw

K歌之王
https://www.youtube.com/watch?v=4bvRSwVF4Zo

以上只係大熱作既少數, 基本上千禧年頭既樂壇頒獎禮, 陳輝陽絕對係常客。講番音樂本身, 陳輝陽既大熱作品往往離不開以下既特色: 前段以簡單琴聲作伴奏, 中段開始配以豐富既弦樂鋪排, 副歌以記憶點多為見稱。而且仲擅於選用唔同既樂器, 去營造唔同歌曲既感覺, 例如《喜歡戀愛》、《假使我漂亮》、《赤川次郎夜想曲》既 intro。

喜歡戀愛
https://www.youtube.com/watch?v=g0wj3sxJvck

假使我漂亮
https://www.youtube.com/watch?v=8fX4-eM8XRM

赤川次郎夜想曲
https://www.youtube.com/watch?v=88aMpheQhQ4

另外, 陳輝陽間中都會引用古典音樂, 以豐富歌曲既可聽性。例如, 鄭希怡既《舞吧 舞吧》, 就 credit to 法國音樂家 - 聖桑。

舞吧 舞吧
https://www.youtube.com/watch?v=i36wTZNILMQ

可能好多人都會話, 陳輝陽首首既大熱作都係以「倒模式」既形式寫歌, 但其實佢都擅於寫唔同風格既作品, 只係考慮到市場既需要, 先至應歌手或者唱片公司既要求, 交咁多一式一樣既作品。要寫比較西洋曲風少少既, 或者係BLUE格調既作品, 陳輝陽可以話係得心應手。Eason既《我有我愛你》絕對係當中既表表者, 唔似傳統既k歌, 由主歌至副歌, 都可以睇得出好似玩音既演繹, 但當然, 都要唱者handle得到。

我有我愛你
https://www.youtube.com/watch?v=chRT3VKebZ0

好多人都話, 點解輝陽呢幾年咁少有新作? 較早前陳輝陽喺商台接受訪問, 佢話其實佢一晚可以寫好多歌, 但質素係點, 相信大家心裡都有一個答案。其實, 作曲人要喺有限既時間內交貨, 好多時都係應唱片公司、歌手既請求, 講真談何容易呢? 放眼樂壇, 張家誠為TVB寫咁多歌, 但首首「倒模式」的樣板, 變化不大, 質素成疑; Eric Kwok、伍樂城、雷頌德有多年既創作經驗, 但總有才華枯竭既時候, 而佢地近年既作品質素如何, 明眼人相信應該有所答案。

講到要突破自己, 唔重複自己既風格, 相信係好多創作人面對既難關。而昔日叱吒樂壇既「夕陽」組合, 今年似乎再有大既搞作, 一口氣為女新人秦馨敏度身訂造三首風格唔同既歌曲。曲風上, 唔見豐富既弦樂編排, 而華麗既編曲? 反而少咁呢啲固定既元素, 換嚟既係新既「輝陽風格」。但聽開輝陽作品既應該會知, 聽到有啲音調, 就算唔睇創作班底, 應該會估到係出自輝陽手筆。只期望陳輝陽推出多啲新作, 再創輝陽盛世!


長期失戀
https://www.youtube.com/watch?v=c1NJOBM6QwU

分過手請舉手
https://www.youtube.com/watch?v=zLQ6-wjHnRQ

我的燦爛
https://www.youtube.com/watch?v=f06R3ml1DmY

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→