溝女黎講,你既市場有幾大?

姨姨哦哦 於 26/04/2017 發表 收藏文章
溝女同投資同一個道理,
你會想用最少嘅成本去換最大嘅利潤。
計住我話商業活動反而簡單,
因為自身成本優勢好易理解,
多就係多 少就係少。
一盤數可以睇清楚,
市場要求都好精確易明,
大家都係求財,
最緊要平 靚 正 快 狠 準。

相反我地睇返溝女依種人類社會發展出嘅複雜活動,
「Your face your fate。」
一句說話似乎概括左全部,
因為好多人以為有種不敗嘅武器就係你靚仔,
只要你靚仔就可以溝晒全世界嘅女,
但我可以話俾你聽係女仔角度一定唔係咁絕對。

一個女仔係決定同埋同你係咪一齊嘅時候,
會衡量嘅Factors同當中隱藏既weighting 遠超你想像。

你覺得你高咩?有人高過你。
你覺得你富咩?有人富過你。
你覺得你帥咩?有人帥過你。
好啦,
你話你最帥咩?
依個時候佢覺得會你花心。
你話你最富咩?
依個時候佢覺得你會有錢會玩女人。
你話你最高咩?
依個時候佢都覺得身高係無乜所謂。

好啦,
你話你又最高又最富又最帥?

屌 你 收 撚 皮 啦 !
係呀係阿,
有人最高又最富又最帥,

但 嗰 個 絕 對 唔 係 你!
但咁嚴苛嘅條件底下,
點解咁多人可以溝到佢地女神,
開開心心咁樣拖住出街?
原因就好似燦神所講個既一個字 :
「百貨應百客」

香港人口有近七百萬人,
你自身嘅條件會決定你市場嘅大細,
但總要相信一件事,
即係無論你咩條件都好,
都總會有你嘅市場,
而市場入邊一定會有符合你要求嘅人。

相信好多人望住塊鏡睇住自己個尊容,
都好難想像人會鍾意你呢一種人,
更加唔好話你女神會睇得上眼,
咁阿梗係啦,
你睇你自己又唔係人哋睇你,
你自己睇自己有咩缺點當然係最清楚,
情形就好似啲人影相成日都覺得自己影得好樣衰,
但當你望下佢張相嘅時候你就會發覺根本就同佢平時冇分別。
原因查實因為人總係鍾意將自己嘅缺點放大,
對自己要求總係非常嚴苛,
就好似啲港女瘦到成支柴咁樣,
佢哋都會覺得自己好肥,
講到呢度唔係話你係男神定係咩,
但有一段嘢你需要知道亦都要相信嘅,
就 係 你 都 有 自 己 嘅 市 場。

各位Fanpiece既朋友仔
鐘意我既文章或者想睇更多
依到係我肥姨姨既Facebook
https://www.facebook.com/%E8%82%A5%E5%A7%A8%E5%A7%A8-1102806183130007/
比個like阿 留個言支持下我
雖然肥姨既文章都算多人睇
但我個page無人理好慘架/___\
你既支持係我既動力哦!

留言


請按此登錄後留言。未成為會員? 立即註冊
    快捷鍵:←
    快捷鍵:→