自願入伍做兵既，唔該你唔好講到自己好慘咁啦。

「食麥當勞一定係食六件麥樂雞餐，
而做得女神就一定會收兵。」
依據說話好似好九唔搭八咁樣
其實從市場學來講佢哋有着一種莫名其妙既關係，
因為響商業社會入邊，我哋會想盡辦法去maximise我哋嘅Profit，
以買麥樂雞餐為例子，
消費者傾向會買最抵嘅六隻麥樂雞餐又或者其他超值套餐，
去Maximise佢哋食物嘅value,
原理就好似女神咁，
佢哋一定傾向收越多兵越好，
因為你哋依啲兵你佢眼中係profit,
每一隻都對佢有value。

世人有時會指住依d所謂既娘娘，覺得佢哋做啲野好撚仆街，

當佢消費緊你嘅時候，
同時情感上你都消費緊佢。

你請佢食嘢，你開心，因為佢食緊你請佢食嘅嘢。
你送禮物俾佢，你開心，因為佢收你送俾佢嘅禮物。
你陪佢出街比佢攝時間，你開心，因為你陪佢既同時佢都陪緊你。
說穿個種可憐嘅感受，
因為你覺得可以幫佢做嘢都算係一種親密，
你地之間都好似有種人地無既特別關係，
你腦入邊幻想住自己為戀人嘅付出，
就好似自己係一個對佢無微不至嘅男朋友。

其實你邊個都唔係。
你 係 佢 隻 兵 炸。

你貪婪，
你唔肯放手，
你唔想失去依一個你口中嘅朋友，
你怕失去個種你愛緊佢、為佢付出緊既感覺，
做隻兵比佢洗比佢用麻醉住你明知無可能同佢一齊既傷口。
肥姨姨今日就屌撚醒你
女 神 係 唔 會 比 你 溝 到 翻 黎 架

情形就好似，
一個暗瘡肥婆對你um好都好啦，
其實打從心底裏邊你又知道你唔會show佢，

咁呀好啦，
你覺得不如就講清楚一拍兩散，
你一路吊住我係你身邊為你做牛做馬，
好明顯就利用緊我姐，

但其實你試諗下，
邊個唔想有人錫自己，
你咁好佢邊捨得趕走你啊？
女神用冠冕堂皇嘅態度享受你哋嘅膜拜，
而你隻兵又情聖上身死纏爛打唔肯放手。
呢種膠着的狀態去到大結局，
對於愛情個中憧憬，
同埋腦入邊同女神甜蜜浪漫嘅無限幻想一旦破滅，
好多兵仔都會屌哂鬼，
講究竟女神有幾仆街有幾仆街。

但其實你自己明白，
你都係幫兇。

各位Fanpiece既朋友仔
鐘意我既文章或者想睇更多
依到係我肥姨姨既Facebook
https://www.facebook.com/%E8%82%A5%E5%A7%A8%E5%A7%A8-1102806183130007/比個like阿 留個言支持下我
雖然肥姨既文章都算多人睇
但我個page無人理好慘架/___\
你既支持係我既動力哦！