你係咪真係咁驚人地「握」左你個「柱」阿?

姨姨哦哦 於 24/04/2017 發表 收藏文章
港女就最鍾意扮L晒處,地鐵有班人就最鍾意霸L晒條柱。
嗱,公德心英文可以譯做
「Public morality 」或者 「Civic virtues」
一個社會嘅文明程度,
睇一睇大眾嘅公德心就大概就可以知道咩料。
今日呢篇文章唔係教中文、英文或者係通識,
而係好想教一下係地鐵裏面帥奶
唔好再霸撚哂條柱。

「唔是掛,挨住條柱都有錯?」

其實香港人壓力咁大返工時數又長,
放工搭地鐵嘅時候又爭唔到位,
企喺度想搵啲嘢挨下係好正常嘅啫。
其實你挨落道門到或者挨落道牆到
絕對冇人會怪你,
但係點解偏偏你要挨落條柱到?
條柱相比起你個虎背熊腰,
又瘦又歪又骨參參,
有咩咁好挨阿?

搭地鐵你知架啦啲車又開又停,
一個唔覺意就會仆係地下,
所以要緊握扶手企穩自己係好基本,
仆死你自己都唔緊要,
你唔好喺車箱度朗尼朗去撞到人地,
係好係壞都好,
係公眾地方盡量少影響人哋都係公德心入邊嘅核心思想。
根據牛頓定律:
「你要做咩係你嘅事,
一啲都唔關人哋嘅事,
唔係人哋嘅事既時候呢,
你就唔好搞到人哋。」

有捉過MTR扶手嘅人都知道,
最有效捉住嘅方法係用手掌彎成環形狀,
同條柱嘅拱面形成彎曲嘅平衡線,緊貼接觸面大力握着,
呢個手勢可能男士會熟悉少少,
女士們唔好以為唔關你事阿,
終有一日你地會用到。
人人都知一條圓柱體係有360度嘅拱面,
理論上應該有好多接觸面俾人捉住,
但點解都咁多人好似滾地壺蘆咁,
係車廂裏面慣黎慣去呢?

原因就係呢個世界有班冇公德心嘅人,
好鍾意一個背脊咁樣挨落去條柱到,
直線霸占左圓柱體一邊嘅拱面,
直線瓦解左手同圓柱體嘅環形結構。

其實個車廂咁多人,
我唔明點解班你有面埃落條柱到。
有時有細路仔、有時有老人家、
你咁樣貪方便霸左條柱,
係呀你挨得舒服挨得香甜阿,
對其他人公平咩?
你就舒舒服服挨住條柱,
其他人就企都企唔穩咁樣搭地鐵,
你咪最有心個個?
等陣人哋捉條柱唔覺意揩到你,
你又話人哋非禮阿又,
好心你啦,
個世界唔係欠左你㗎,
大家一齊響同一個空間度相處,
幫人哋諗下有幾難?
你係咪真係咁驚人「握」左你個「柱」阿。

各位Fanpiece既朋友仔
鐘意我既文章或者想睇更多
依到係我肥姨姨既Facebook
https://www.facebook.com/%E8%82%A5%E5%A7%A8%E5%A7%A8-1102806183130007/
比個like阿 留個言支持下我
雖然肥姨既文章都算多人睇
但我個page無人理好慘架/___\
你既支持係我既動力哦!

留言


請按此登錄後留言。未成為會員? 立即註冊
    快捷鍵:←
    快捷鍵:→