從王敏奕/顏卓靈《今晚打喪屍》打女細說香港現役的美麗打女電影明星

光影言志辨 於 30/06/2017 發表 收藏文章
喺《今晚打喪屍》(2017)裡面,最令人形象深刻係王敏奕(1992.01.01)所飾演的打女---跆拳道高手聶以旋,佢一腳旋風腿將喪屍個頭都打歪。
(《今晚打喪屍》來自香港小說,配以濃烈本土味,炮製屬於香港的喪屍作品。)
王敏奕好努力咁打,可惜孖住都「舞」林高手顏卓靈(1993.12.27);都無得俾佢哋發揮(嚴格講顏卓靈根本未打過)!連帶白只、張繼聰等都浪費哂!都係劇本嘅問題!
電影人物造型不錯,但就係劇本……
但係《今晚打喪屍》卻帶出了一個情況:香港電影女明星不行性感,就要「打女」。如果倒數一下,原來港產片現役女明星中,真係有唔少美麗打女電影女明星……(以下全憑感覺排次序,至少又靚又打得似樣嘅)
第一,陳嘉桓(1992.11.08)話哂係葉準徒孫、冼國林徒弟及杜宇航師妹,電影《葉問前傳》中留下了令人印象深刻嘅「打女」形象。喺《辣警霸王花》(2016)中演嘉桓自然駕輕就熟!
第二,文詠珊(1988.12.29)近年來積極轉型做打女,入型入格好努力!
第三位,感情分俾咗《打擂台》(2010)中嘅JJ賈曉晨(1982.09.20)所飾演嘅桂,打得又睇得!
賈曉晨喺銀色旅程上打過性感努力過,算是不枉此生了!
第四位,《使徒行者》(2014)中嘅佘詩曼(1975.05.28) 所飾演嘅丁小嘉(釘姐),唔打得都可以睇得掛?佘詩曼又算唔算好搏命!
選佢原因係佘詩曼被譽為TVB最後當家花旦,41歲積極改戲路---美麗打女是其一吧?積極轉型及廣開戲路才是佘詩曼最聰明地方?
李元玲有無加入Red People已不重要
第五位,《辣警霸王花》(2016)中嘅李元玲(1989.07.17) 所飾演嘅Cat。,由錢國偉做導演,以大堆頭美女學警有何佩瑜、岑麗香、李元玲、崔碧珈、何佩珉、蔡潔、童冰玉、王若伊等主演。但為何係李元玲?因為李元玲本身係鋼琴高手,仲係李雲迪愛徒,佢居然用對巧手嚟做打女;打得之餘仲勇敢露得,非佢莫屬!
第六位,係《辣警霸王花》(2016)中嘅何佩珉(1991.09.12)演嘅豪哥。佢未必係最睇得、最肯露嗰一個,但就肯定係當中最打得!2011年參加TVB嘅武術選秀節目《功夫新星》獲得冠軍,然後加入TVB。喺《城寨英雄》飾 木蘭花姊(第9集)打得又睇得!
順帶一提,我不大相信 “崔碧瓜”是打得的,下圖中者佢慘被咁樣圍攻!
本來,胡定欣及王君馨都係美麗打女,至少喺《城寨英雄》如是---唔打得都睇得!可惜,本文寫的是港產片電影女明星,如果《城寨英雄》有電影版多好!
終身成就,始終係惠英紅(1960.02.02)。講真佢拍片無數,打女形象深入民心,最難得係打片又得,文藝片又得。以57歲年紀依然可以繼續喺電影及電視兩界出街,影后打女長青樹,實至名歸!
真正影后級人馬打得又睇得!
如今港產片正處於調整轉型期,青黃不接;真正有功夫根底打女,都已一一退役,除了惠英紅能成功轉型外,以下的都只能在昔日光影中回味(註:還有很多未能細數):

留言


請按此登錄後留言。未成為會員? 立即註冊
    快捷鍵:←
    快捷鍵:→