【老臨集中營】《愛.回家之開心速遞》- Crossover《城寨英雄》?!

尋晚果集的《愛.回家之開心速遞》又到根叔熊樹根(劉丹飾)大發神威的時候,之前有一集講到根叔成功做一個「老臨」,可以係年度大作「曹總傳」入面做曹總(劉一飛)的阿爸曹永廉,今次根叔就再升Level做埋「老臨」的判頭,仲邀請埋之前同佢鬥戲的食屎陳師奶(孫慧蓮飾)一齊入埋劇組,所以今集應該係《愛.回家之開心速遞》有史以黎最多「老臨」的一集。讀者可以參考以下片段。


有次根叔去探尚善老師熊尚善(滕麗名飾)班的時候,就見到「曹總傳」入面的「老臨」全部都無神無氣,講對白又講左好似無講咁,但導演居然「Take 2都唔駛」就話可以「Good Take」收工,真係令到眾人嘩然。原來係因為宜家臨時演員好難搵,所以導演就求其都收貨。根叔呢個時候就話自己可以搵到一D「個個都似街坊、有男有女、有老有嫩、做戲仲有交流」的「老臨」!



其實根叔就係搵番佢社區中心識落的街坊去幫手客串。係豬籠里大戰呢場戲,就好似《城寨英雄》的村咁,每個「老臨」都攞哂造型分。食屎陳師奶同佢老公就一身經典包租公包租婆造型(星爺周星馳套《功夫》入面的元秋同元華)登場。允之前差D以為同根叔有感情線的高凱寧(甄詠珊飾)就以性感造型登場(成個《城寨英雄》入面王君馨飾演的花曼一樣)。「鍾仔」鍾志光,原本以為佢真係套劇入面的「老臨」,一時醒唔起佢係「初戀Cafe」的佳叔,就擔住水咁出場。一黎食屎陳師奶個包租婆就同根叔做的曹永廉對戲,食屎陳師奶除左做地產經紀似模似樣之外,做包租婆都幾有霸氣。到斧頭幫突襲豬籠里的時候,個個「老臨」就即刻施展渾身解數,真係「臨時演員都係演員」,當然一Take過搞掂。



當然呢集係特別多「老臨」,但好多「老臨」都係好多呢套劇同其他唔同劇集出現過。其實今集最大的「老臨」唔知你又發唔發現到呢?個個就係做童年版的曹總曹達華的小演員。佢連講對白都會好似曹總咁有獨特的廣東話架。最驚豔的當然係好似花曼的甄詠珊啦,佢高凱寧呢個角色都可以出多D場。今集《愛.回家之開心速遞》睇得特別過癮,可能因為呢排的情節都偏向黑化的Terry(李偉健飾),又或者一D感情線爭議,例如金城安(安仔)(周嘉洛飾)同池美麗(鍾凱琪飾),始終簡簡單單、「無厘頭」的劇情先最合呢套劇的風格,唔知你覺唔覺呢?

Ref: TVB

標籤: TVB  愛回家  開心速遞  根叔  劉丹  食屎陳師奶  

留言


請按此登錄後留言。未成為會員? 立即註冊
    快捷鍵:←
    快捷鍵:→