【發大財】《愛.回家之開心速遞》- 安仔朱凌凌有新生意!?

《愛.回家之開心速遞》的劇情又番番去小編最鍾意睇的香港島大學生活,因為小編特別鍾意睇「廢青界」的代表金城安(安仔)(S.O.) (周嘉洛飾)同佢的「情人」朱凌凌(吳偉豪飾)係學校有D咩野玩,當然有義氣的阿壯(焦浩軒飾)都好搞笑。雖然無左傻強(馮奕森飾)搞到無得再組成「安凌強壯株式會社」,但另外三個人依然好積極諗計去發達,今次佢地就諗到係大學入面搞「誇誇群」,即係向校內入面一D無咩自信又或者自卑GE同學提供讚美服務,咩都可以讚餐飽。


讀者可以參考以上片段。佢地之所以有呢個Idea,就係因為佢地成功救左一個想係學校跳樓自殺的同學(丁子朗飾)。個位同學諗住跳樓的原因就係因為佢剛剛俾佢女朋友「飛」左,太傷心的時候就諗住自盡。見到咁危急的場面,安仔佢地就用番佢地平時的急才,不停咁讚個位同學,又話佢靚仔又話佢有型咁,成功喚醒番佢失去的自信,亦都有番求生意志,繼續生存,亦都好快又搵到個新的女朋友。其實呢位同學都有潛質加入安仔佢個陣營,可以好似個「花花公子」咁,填補番「安凌壯株式會社」的三缺一。今集另外仲有個學生(馬俊傑飾)都有潛質加入。


就因為以上的成功例子,諗頭多多的阿壯就諗到一個商機,就係係學校入面整番個「誇誇群」,每一百蚊就讚個個人十五分鐘,咁樣仲好賺過自己要不停咁幫人做腳底按摩。經過初期生意唔好的情況,佢地的事業亦開始上軌道,愈黎愈多學生排隊要佢地的「誇獎服務」。但亦都係因為生意開始好的時候,電影學會的死對頭空手道學會的成員亦開始抄襲佢地的Business model,照樣係學校個度搞個「誇誇群」,仲要收得平過佢地,處理的客人類型就更加包括各種「奇難雜症」,讚的野就更加失實(反而更加能短時間內令人自信心大幅增加),所以成功搶左唔少客走。


但小編反而覺得結尾幾好,就係始終過於浮誇,而且虛假的說話,始終唔係好事。所以安仔佢地其中一個客,就因為接受完安仔的佢地的「誇獎服務」之後,有過度的自信,更加參加大學的校草選舉而當眾出醜。始終讚人的說話,都係真誠D好,唔知你又覺唔覺呢?

Ref: TVB

標籤: TVB  愛回家  開心速遞  金城安  朱凌凌  阿壯  

留言


請按此登錄後留言。未成為會員? 立即註冊
    快捷鍵:←
    快捷鍵:→