《白色強人》一集入面兩個大手術,仲出埋電鑽!?

尋晚個集的《白色強人》劇情入面出現幾個重要場面,先係原本唐明(馬國明飾)諗住舉薦去參選明成北院長的Kennis程洛雯(李佳芯飾)臨陣「縮沙」,間接令YT楊逸滔(郭晉安飾)可以完全無競爭對手之下當選明成北院長。雖然一開始好期待由唐明去同YT爭做院長,但呢個場面亦隨住唐明唔夠票入閘而唔會出現。YT的正式上場亦即係醫療改革正式推動。不過今集的重點就唔係YT正式「坐正」明成北院長一職,而係唐明同Dr. Lui呂靄寧(Yan)(張曦雯飾)要各自面對病人的複雜情況。


讀者可以參考以上片段。唐明今次個病人的身體內器官係會左右調轉,即係好似塊鏡咁。雖然唐明都做慣大手術,但因為病人情況特殊,所以佢都覺得唔順手,特別要求要係手術之前做一次演習先。係唐明練習期間,佢前妻Zoe蘇怡(唐詩詠飾)就專登去幫佢打下氣,佢先話:「人的生死唔係我地醫生可以控制到…..」講講下唐明就情不自禁咁錫落去蘇怡度。睇緊個陣真係嚇一跳,因為呢下真係太突然,而且插曲的副歌係「爆」出黎。雖然首插曲係幾好聽,但最近幾集插曲的出場率實左太高(幾乎集集都有,仲要唔止一次),所以好容易令人聽到厭。唐明有前妻打氣,手術當然順利完成。


阿Yan個個手術就更加誇張。之前有網民笑點解唯獨得呂醫生可以係明成北醫院入面「露長腿」,係唔係因為佢係院長個女所以有咁GE特權?今集呂醫生就更加黎一個著住晚裝做手術的場面。因為個陣係YT向商界推銷緊醫改方案的簡介會,而咁唔好彩又有個病人俾部機器壓住,而病人的顱壓更加過高,再唔處理就會有生命危險。係YT分身不暇的時候,呂醫生就挺身而出,決定唔等病人送去手術室而即時幫病人釋放顱壓。


上一次無將病人送去手術室而直接做手術,係Kennis、Zoe同德仔潘懷德(何廣沛飾)救個個俾鋼筋刺穿心口的病人,阿Yan其實同個次一樣面對日後俾醫發局秋後算賬的風險,同埋無工具的問題。今次呂醫生就決定用電鑽,係病人個頭上鑽洞,去幫佢釋放顱壓,場面相當驚險。最後呂醫生又真係靠個電鑽救番個病人。唔知你覺得今集兩個大手術邊一個精彩D呢?


Ref: TVB

標籤: TVB  白色強人  張曦雯  馬國明  李佳芯  唐詩詠  

留言


請按此登錄後留言。未成為會員? 立即註冊
    快捷鍵:←
    快捷鍵:→