【感人】《倚天屠龍記》- 係愛呀楊逍!!

《倚天屠龍記》剛剛播的時候,小編曾經講過紀曉芙(鄔靖靖飾)同楊逍(林雨申飾)的愛情線無咩亮點,咁一黎個陣劇情剛剛開始,楊逍突然間係峨嵋派手上搶走左紀曉芙,二黎小編無睇過《倚天屠龍記》的原著,只係睇過吳啟華做張無忌版本的劇集,完全唔記得左紀曉芙同楊逍有個美麗的女兒楊不悔。到左二十幾集,楊不悔(孫安可飾)居然同楊逍之前的情敵武當派的殷梨亭(宮正楠飾)(有無人覺得佢個樣有D似泰臣?)諗住成婚。今集就睇到楊逍作為父親的愛,同埋佢對過身的情人紀曉芙的愛。



讀者可以參考以上片段。今集主要的武打埸面其實係由趙敏(陳鈺琪飾)的手下大戰六大派的高手(雖然都俾人打低哂) ,另一邊就講到張無忌(曾舜晞飾)的明教諗住係蝴蝶谷召開明教大會,所以佢地就準備收拾行裝由武當山前往蝴蝶谷。之前俾趙敏手下所傷的「三師伯」俞岱巖同「六叔」殷梨亭係張無忌的悉心照料下已經消除左「七蟲七花膏」的毒力,而係「黑玉斷續膏」同埋無忌的物理治療下,殷六叔仲開始行得番。楊逍見到自己個女不悔同殷梨亭係花園談情,於是好心去提自己個女要「檢點」D,因為佢一直以為不悔係同教主先係一對。但不悔妹妹借無忌哥哥吧口,終於令楊逍知道個女係想嫁俾殷梨亭。作為殷梨亭的情敵,楊逍自然對佢無咩好感。而作為一個「單親爸爸」,楊逍自然係「錫哂個女」。偏偏自己個女就係鍾情於自己的前情敵,真係諷刺!不過,英俊瀟灑的楊左使最後都決定放低自己對殷梨亭的成見,成全自己個寶貝女的愛情。



之後,明教上上下下終於離開武當山,回到無忌最初學醫的起點蝴蝶谷。教主即刻就帶楊逍去到紀曉芙的墓碑到拜祭。當年同紀曉芙一別,楊逍就守住自己對佢的承諾,無再去搵佢。之後到張無忌帶住楊不悔去搵佢,先知自己有個女,仲要知道情人慘死係「滅絕」邪魔外道的滅絕師太(周海媚飾)手下。到佢終於可以親身去搵紀曉芙,望住墓碑的楊逍都忍唔住流淚。小編覺得林雨申做的楊逍係今集真係搶哂鏡,先係大方讓愛(俾個女嫁俾前情敵),之後又係墓碑前話:「曉芙一直係我心入面!」係愛呀楊逍!!

Ref: TVB

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→