《愛.回家之開心速遞》- 冬天唔俾開暖爐,因為慳電大過天?!

隔左好耐無講《愛.回家之開心速遞》,尋晚個集講到「環保塔利班」,仲勁過「走塑」。讀者可以參考以下片段。


根叔熊樹根(劉丹飾)貴為熊家一家之主,通常都會訂「家規」。今次佢就好有環保意識,搞左個「熊家節約用電比賽」,就好似汪阿姐話戲曲中心的租用條款一樣: 「辣」。一於睇下有幾辣先:

1.10度以下先可以開暖爐 (小編13度已經想開……)
2. 如果想係客廳開暖爐,每次法定人數要5位或以上 (個個番工番學、放工放學時間唔同,幾時先夠5個人
呀???)
3. 洗衣機要夠7磅先開得 (好想洗衫又未夠磅數,點算?)
4. 煲左的熱水要擺落熱水壺度,用完仲要即刻「抆」電掣,唔可以用保溫功能 (唔俾用保溫功能係咩玩
法????)


最好笑其實都係1:08個個溫度計,就係話13度。當然以上辣招,熊家上上下下都陸續中招啦。最慘係2:52個度,室內仲凍過室外,仲未可以開暖爐,因為溫度計仲係話13度(開估:個溫度計的刻度係畫上去)!!!


呢幾日香港真係寒流襲港,雖然未到劇入面得4度,但都係10度咁上下。如果係呢D時候仲遇到「環保塔利班」,真係唔知好嬲定好笑!!!你身邊有冇呢個人呢??

Ref: TVB

如果喜歡我們的文章,請即分享到︰

標籤: TVB  愛回家  開心速遞  劉丹  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→