《愛．回家之開心速遞》- 無處不在的「老Seafood」

通常提起「送水煇」(許家傑飾)，大家都會諗起佢同大小姐龍力蓮(林淑敏飾)叫人津津樂道的愛情。尋晚的《愛．回家之開心速遞》講到「送水煇」因為自己係「低級」客戶主任而俾Philip仔睇唔起，所以佢想「上位」，唔再令佢個仔失望。但小編今次唔係想講「送水煇」，而係「送水煇」想搶佢個位的「豹叔」(黎彼得飾)。「豹叔」係「尋寶圖」個度係唯一一個「高級」客戶主任，但其實呢個職位又未到管理層的等級。係「高不成，低不就」的情況下，「豹叔」就因為元老級的資歷而成為左一個「老Seafood」。讀者可以參考以下片段。
1:04個到，「豹叔」就突顯出「老Seafood」的其中一個特點，就係非常擅長無野搵野做(雖然劇情入面「送水煇」做哂佢原本要做的事)。辦工室入面個個都需要辦工/「扮工」，唔通個個都想辦工/「扮工」咩，但「老Seafood」往往可以憑住佢地遊走江湖的經驗，輕輕鬆鬆咁「扮工」。
另外，「老Seafood」另一個特點就係非常擅於「拖字訣」。「豹叔」佢輕而易舉就可以將份計劃書拖一個星期。頭先提過「老Seafood」的主要職責係「扮工」，咁唔難想像要將一份計劃書「拖」住黎做。

「老Seafood」第三個特點就係經常提點後輩。小編諗讀者都應該明架啦……
一級戒備狀態 –「老Seafood」出現 ，打工仔小心!!
Ref: TVB