【女神?!】-《2019國際中華小姐競選》: 三位大熱門係???

每年都有國際中華小姐競選,但通常討論的熱度都唔夠香港小姐競選黎(其實應該話連香港小姐都愈黎愈少人關注)。尋日就到今年參選的佳麗係記招同大家見面,讀者可以參考以下片段。


小編係度Tip下邊3位佳麗可以入三甲。首先都係要照番小編一向的習慣,就係戴定頭盔,審美眼光呢家野真係因人而異。以下佳麗排名不分先後:


1.陳曉華(香港) (5號)
今年香港的代表佳麗陳曉華(Hera)照常理應該可以穩入三甲。過往的國際中華小姐競選/國際華裔小姐,香港的代表都可以平平安安咁為本地爭光,入到三甲之列。加上連「要去荷里活發展」的蘇亞雷斯(雷莊𠒇)上年都可以入到三甲,小編對Hera有信心!!!


2.賀漓灑(倫敦)(8號)
小編揀的第二位心水佳麗,係來自倫敦的賀漓灑。小編覺得佢望落大方得體,又有D鄰家女孩的感覺。但網民話佢熱愛跳街舞同鋼管舞,同佢俾小編的第一印象相差甚遠,期待佢的才藝表演!!


3.彭嘉伊(吉隆坡) (6號)
最後一個心水佳麗係最難揀。傳統上,國際中華小姐競選/國際華裔小姐的得獎佳麗都來自美國、加拿大、澳洲三個國家,但小編覺得來自吉隆坡的彭嘉伊比較有機會爭取最後一個名額。佢俾人的感覺清純,就好似係參選佳麗入面的「一股清泉」! 唔知你又覺唔覺呢?

Ref: TVB, 各候選佳麗IG /Toopics

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→