《大帥哥》- 狄奇用「審判之眼」,連兄弟都想殺??

大除夕夜晚的《大帥哥》講到手足相殘。事緣馬炭(洪永城飾) 係之前就聯同革命軍搶毒氣彈,仲要係過程入面殺左佘南(古明華飾)。話哂殺左蒙大同(蔡國慶飾)的人,咁佢梗係要問罪啦。呢個時候狄奇(張衞健飾)就好似用「審判之眼」咁,要係蒙大帥面前睇下誰是誰非!



讀者可以參考以上片段。狄奇一黎就講出軍閥的真理: 就係「誰大誰惡誰正確」!! 0:11個度,「呢度又唔係公堂,我地又唔係包青天,證咩據?」跟住就話:「軍閥的是非黑白就用子彈話事,閻王做判官」。跟住就係槍入面放一粒子彈,輪流射馬炭同佘大帥手下。最後就因為佘大帥手下求情,到蒙大帥搶左支槍狂射,射到「讓子彈飛」,件事先告一段落(再次讚下佘大帥手下個演員幾好戲)。


雖然馬炭最後都唔駛「被開槍」,但個重點係羅義(徐榮飾)都有提到(以上片段無呢PART) ,粒子彈原來擺左係第5發個個位。假設狄奇原本照佢個方法咁樣開槍,因為佢係射馬炭先,到第5發個下,就會連兄弟都殺!!!

事後狄奇同馬炭當面對質個陣,狄奇又另外解釋就話顧落蘆(曹永廉飾)係支槍到做左手腳,到第5發子彈個下,粒子彈會「卡住」射唔出,同埋狄奇佢自己預計蒙大帥會搶槍完埋「場戲」。但小編覺得,蒙大帥搶槍亂射個下,第5發子彈係成功射到出黎,唔係佘大帥手下點會中槍死呢?加上狄奇對馬炭開始有怨言,可能為之後的劇情埋下伏線……


講番軍閥,幾時都話,有強權無公理,唔知你又覺得係唔係呢?

Ref: TVB

如果喜歡我們的文章,請即分享到︰

標籤: TVB  大帥哥  張衞健  洪永城  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→