《大帥哥》-「一皇二后」原來都唔係咁好??

尋晚《大帥哥》講狄奇(張衞健飾)諗住同冬來(李嘉飾)、顧落蘆(曹永廉飾)組成特攻隊去搶佘南(古明華飾)的毒氣彈,但出發之前就遇到意料之外的事。事緣大帥哥兩位老婆係唔適當的時候「內訌」!! 天嬌(譚凱琪飾)用計令到艾妞(楊秀惠飾)暈低,跟住兩個就開始互鬧同埋搵狄奇嘈啦。

讀者可以參考以上片段。0:27個度,艾妞就話:「個賤人想毒死我呀」。最好笑的係講到天嬌係木瓜牛奶燉燕窩個度落毒,狄奇就話: 「咁佢都幾DUM本。」


之後就到狄奇表演「移形換影」,短時間內要來來回回天嬌同艾妞的房,真係睇見都覺頭暈。2:24個度,顧落蘆都得閒抽下水: 「今次到你頭暈啦可? 」


睇完大帥哥兩個老婆咁樣「V嘩鬼叫」,真係先發覺「一皇二后」原來都唔係咁好。特別係當艾妞係咁叫大帥哥、大帥哥咁樣,小編忽然諗起另一個人(角色先岩。讀者可以參考以下片段。



無錯,就係佢啦!!! 「星爺」經典《大內密探零零發》的劉以達,亦即係病人。又係以好尖的聲咁叫大夫、大夫,又係聽到人心浮氣燥。呢個時候,《零零發》入面的「苑瓊丹子」就要出動啦: 「真係好想大巴大巴咁……」


Ref: TVB,大內密探零零發

如果喜歡我們的文章,請即分享到︰

標籤: TVB  大帥哥  張衞健  譚凱琪  楊秀惠  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→