【大小姐經濟學】《愛.回家之開心速遞》- 大小姐教大家點樣賺大錢!!

呢排臨近新年,唔少人都會開始行下年宵買下野。尋晚個集的《愛.回家之開心速遞》就講大小姐龍力蓮(林淑敏飾)同熊尚善(滕麗名飾)係年宵擺擋大鬥法。


讀者可以參考以上片段。作為接龍集團的財政總監,大小姐佢紆尊降貴去搞年宵,趁機醒下班「人頭豬」點樣賺大錢:

1.時間就係金錢
係大小姐眼中,消費唔止係一買、一賣咁簡單,而係一連串的消費動作。每一分鐘D人可以消費幾多錢,就代表你賺緊幾多錢。就好似以KC(歐瑞偉飾)食撈麵做例子,短短一分鐘內就已經食左碗28蚊的撈麵,飲左兩杯(係呀,你無睇錯,係杯,唔係罐或者支裝) 15蚊的汽水,仲幫襯左一包5蚊GE紙巾。每分鐘呢一系列的消費動作已經代表入緊63蚊。如果單單係賣撈麵,個個每分鐘淨收入真係差天共地!!!


2.低成本高利潤
大小姐亦知道要開源節流,所以要降低成本,再提高利潤。係撈麵落多D味精,等D客口渴要飲汽水,一杯唔夠咪整多杯飲LOL。咁樣刺激客人的需求已經係開緊源啦!!!同埋將D汽水由罐裝或者支裝變成杯裝,其實已經「閒緊錢」。點解呢?因為你入貨入同樣數量的汽水,可以賣更多杯的汽水。


3.「解決」競爭對手
事緣大小姐搞年宵就係因為要同熊尚善鬥。所以佢一開始已經唔俾熊樹仁(單立文飾)返屋企洩露軍情,見熊尚善檔野多客個陣,仲要踢爆佢地搵「騎呢啡」買撈麵。最後仲要以本傷人,搞一個「扭蛋送跑車」,徹徹底底「解決」對手!!!


正所謂無商不奸,但奸都要奸得有方法。大小姐今次借搞年宵「塞錢」入你袋,唔知你又學唔學到野呢?

Ref: TVB

如果喜歡我們的文章,請即分享到︰

標籤: TVB  愛回家  開心速遞  大小姐  林淑敏  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→