《愛.回家之開心速遞》- 安仔朱凌凌慘遇「離間計」: 「安凌強壯株式會社」咁快要拆夥!?

尋晚個集的《愛.回家之開心速遞》又講番「安凌強壯株式會社」4子。今次佢地要面對朱凌凌(吳偉豪飾)阿爸同阿哥「處心積慮」的「離間計」。讀者可以參考以下片段。


TT(梁証嘉飾) (朱凌凌阿哥)今次就同佢老豆Martin(陳嘉輝飾)獻計,要離間朱凌凌個D豬朋狗友(即係安仔、傻強同阿壯佢地) ,因為佢地覺得係朱凌凌「痴」得安仔佢地多,所以先搞到朱凌凌唔肯讀LAW做律師,反而話要追夢去攝影。片段一開始已經係TT的計劃。


TT扮死,等金城安(周嘉洛飾)、傻強(馮奕森飾)同阿壯(焦浩軒飾)三個人以為朱凌凌殺左佢阿哥。而TT之前就同佢地三個講左個CASE係「個人殺人但Friend就代坐監」,諗住佢地三個會好「無義氣」咁走佬,之後佢就可以離間朱凌凌同安仔佢地,等朱凌凌可以讀番LAW做律師。


世事又豈會盡如人意,TT個計劃開始「暴走」(片段無),「安凌強壯株式會社」就係出名4個人一條心。安仔、傻強同阿壯佢地遇到TT 死(扮死)呢個情況,反而諗住幫朱凌凌掩飾,安仔仲諗到要「溶屍」去幫朱凌凌毀滅證據(聰明的讀者當然知安仔係唔識點樣「溶屍」,因為大學無教佢: BY 迷之聲)。最後TT俾佢地3個的義氣感動到「屍變」,但當然嚇到佢地3個,搞到自己要入埋廠!!!


小編睇緊個陣都知安仔、傻強同阿壯佢地唔會背叛朱凌凌,因為佢地都係「義氣行先」。唔知你又覺得係唔係咁呢?

Ref: TVB

如果喜歡我們的文章,請即分享到︰

標籤: TVB  愛回家  開心速遞  朱凌凌  安仔  傻強  阿壯  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→