【萬丈大佛面向西】新年流流,又係時候翻睇《行運超人》

講樂‧過路人 於 05/02/2019 發表 收藏文章
每逢新年過節,除左無限翻兜周星馳既電影,或者睇《嚦咕嚦咕新年財》既「麻雀大俠」,《行運超人》都係個唔錯既選擇。最近,重溫左一次《行運超人》,諗起幾樣之前冇乜留意到既無聊野。

仲未曾食牛歡喜同玩騾仔,鄭中基搭杜汶澤既斷蟹同Honey,已經笑到觀眾有腹肌,十年後合作《低俗喜劇》,笑料再提升一個層次。

<互聯網圖片>

有份客串警察既余文樂,同楊千嬅有場對手戲,估唔到多年後會合作《志明與春嬌》。


「香港活地亞倫」葉念琛原來有份客串,雖然未進化到用emoji寫影評,但就間接幫手拆解「萬丈大佛面向西」,仲係呢部戲既編劇之一。

<互聯網圖片>

聽到爛既插曲《有種》,原來仲有首國語版,歌名叫《超人》,歌詞其實都唔錯,但全首填得最夾硬既,就係「超人」呢兩個字。


可能係最後幾套,真心笑得出既港產賀歲片之一。就好似今年其實有唔少賀歲片,比起往年都算熱鬧左,但又幾多套令大家有意欲入場?


最後,梁朝偉真係好鬼型,鄭中基真係好鬼搞笑。



筆者的Facebook專頁「講樂﹒過路人」,有更多廣東歌跟大家分享,希望多多支持!

如果喜歡我們的文章,請即分享到︰

標籤: 行運超人  鄭中基  賀歲片  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→