俊賢見到《Pokemon Go》嘅威力，厲害到連宅男都要出街玩，直頭將成個社區凝聚起嚟，引晒全香港人天時暑熱都走上街，呢份魔力，令佢又再諗起家欣。
＜互聯網圖片＞
兩年前，俊賢鍾意咗個女仔，可惜只有一面之緣，亦都冇聯絡方法，唯一知道嘅係，佢叫家欣，而且都係住大埔。一直以嚟，俊賢都想搵番家欣，無奈行勻成個大埔，始終再冇佢嘅下落。
呢段尋找嘅開始，要從兩年前開始講起。俊賢啱啱搬入大埔，對呢個地方零認識，感覺呢度就好似個迷宮，隧道天橋唔知邊條打邊條，偏偏又趕住要搵架巴士過海，糊里糊塗之間，就行到八號花園對出嘅日規公園。
＜互聯網圖片＞
就喺呢度，俊賢第一次同王家欣見面，亦都係唯一一次見面。
每次講起或者諗起呢個女仔，俊賢都會感覺，佢就係村上春樹筆下，嗰位「100％女孩」
＜互聯網圖片＞
「並不是怎麼漂亮的女孩，也沒穿甚麼別緻的衣服...可是從50公尺外，我已經非常肯定，她對我來說，正是100％的女孩...」
俊賢向呢位「100％女孩」，問起過海巴士應該去邊度搭，然後「100％女孩」就順路同俊賢行到巴士站，短短5分鐘嘅交流，變得好長好長…
「100％女孩」原來叫家欣，原來都係住大埔，臨走時仲流露一個嘴角微微向上翹嘅動人笑容。
不過，當呢位「100％女孩」揮手離開，消失眼前後，俊賢自此都冇再見過佢。
俊賢好想搵返呢個家欣，但係茫茫人海，可以點搵？遊走大埔碰運氣？俊賢試過，但緣分呢家嘢，愈係刻意，就愈係捕捉唔到。
直到見到呢隻《Pokemon Go》，捲起嘅熱潮反轉成個香港，幾乎全民變身「精靈訓練員」，無時無刻都喺條街度貢來貢去，目的就係要捉精靈。
＜BBC圖片＞
其實由細到大，俊賢都只係鍾情偵探漫畫，所以對《寵物小精靈》真係冇咩特別感覺。對於能夠將百九幾隻精靈名，倒背如流嘅高手們，俊賢只係覺得一頭霧水同難以置信。
行出街，當有個人拎起電話，好專心咁做緊一樣野但又好唔專心咁望你，呢個就係精靈訓練員。
＜互聯網圖片＞
望一望成條街，真係個個都係精靈訓練員。通街都係人，你話行街撞到熟人，一啲都唔出奇，而事實上，俊賢前一晚番屋企嗰陣，就已經撞番一位好耐冇見嘅中同。
印象中嘅呢位中同，一向都係個9upper，初中嗰陣就聽佢講過，志願要好似小智咁，做個精靈訓練員，有邊個估到，呢個咁九唔搭八嘅想法，隔咗咁多年，居然會透過遊戲實現。
俊賢望住呢位中同，孖住佢女朋友，揸住手機喺度捉精靈，心裡面忍唔住講句：「9upper，恭喜你願望成真！」
有趣嘅係，偶遇呢位中同嘅位置，正正係俊賢同家欣，初次邂逅嘅八號花園場景。
「既然中同都撞得番，點解家欣唔可以？」呢種無厘頭嘅想法，忽然係俊賢腦海裡面浮現。
＜互聯網圖片＞
就係呢份所謂嘅熱血，或者係FF到燒壞腦嘅一團火，對《寵物小精靈》認識只限於比卡超同噴火龍嘅俊賢，就跟大隊download咗呢隻game，成為精靈訓練員嘅一份子。
然後俊賢好理所當然咁，好似其他既《Pokemon Go》嘅玩家，拎住部手機周圍走，埋首做「低頭族」捕捉精靈。
當俊賢遊走大埔嘅時候，就諗起自己兩年前，亦都試過喺大埔行嚟行去，希望捕捉到下次見家欣嘅機會。
有意無意咁喺大埔貢咗段時間，行到俊賢都開始熟晒大埔，行到俊賢開始都覺得有啲「癡漢」，行到連尋找家欣嘅動力開始減弱，估唔到事隔兩年，反而有成批大埔街坊，好似自己咁喺大埔貢。
同樣係遊走大埔，但成件事已經冇人再覺得奇怪，因為個個都係咁，唔行又點捉到精靈！
俊賢唔知道，捉到精靈其實代表咩，亦都唔明白，點解捉精靈周圍行唔奇怪，而自己想搵番某個人，喺大埔周圍走，會連自己都覺得「癡漢」...
＜大埔友 Facebook 專頁＞
不過望見成個大埔，無論係大明里廣場，定係大埔海濱公園，抑或係大埔廣場，總之每個大埔嘅角落，夜晚都變得人頭湧湧，個個化身精靈訓練員，俊賢愈嚟愈覺得：「咁多個精靈訓練員裡面，話唔定其中一個就係家欣！」
大埔墟有得捉九尾，大埔河有鯉魚王，廣福橋有紅唇娃，太和商場有乜，富亨有物...
對於俊賢黎講，唔識呢D精靈名唔重要，因為俊賢玩呢隻game，本來就只係想摩擦更多再遇家欣嘅機會。
真係摩擦得到？當俊賢搭完程小巴之後，更加覺得唔係天荒夜談。
＜互聯網圖片＞
俊賢收工搭紅van返大埔，成車人本來三唔識七，但就因為呢隻game，因為其中一個西裝友，要捉一隻唔知叫咩嘅精靈，就喺小巴上開啟呢個《Pokemon Go》mode，你一句我兩句，互相搭訕，再研究捉精靈既對策...
當你連隔離屋姓咩都未知嘅時候，一程半個鐘都唔夠嘅小巴，竟然足夠你同幾個陌生人，單純到因為一隻精靈而混熟，成件事實在太amazing。
對於俊賢嚟講，其實精靈訓練員做嘅野，感覺就好似兩年前自己要搵家欣。你永遠唔會知道，會喺邊度，邊個角落，捕捉到咩嘢精靈。
家欣就代表住嗰隻最難捉到，屬於傳奇級嘅超夢夢。咁易畀你捉到既精靈，佢就唔係超夢夢，而係波音蝠啦。
＜互聯網圖片＞
超夢夢，你喺邊度，快啲出現好唔好…
呢晚，俊賢又揸住部手機，環繞大埔周圍走，美其名係出去跑下步，其實只係又再尋找家欣，但旁人又會以為佢去緊捉精靈。
原因係咩其實唔重要，反正俊賢同所有《Pokemon Go》玩家一樣，都係有啲無所事事咁搵緊一啲嘢，一啲唔知搵到又點嘅嘢。
半跑半行，由太湖花園走到大埔海濱公園，沿住海傍走到平時間中有人會喺度釣魚嘅空地。不過呢晚嚟得呢片空地嘅，當然都係嚟捕捉精靈啦！
忽然，聽到一陣懷舊嘅聲音，愈來愈近咁傳過黎，原來有位仁兄，踩住單車開擴音器播歌。
俊賢唔知佢播緊咩歌，只係感覺有種懷舊既味道，然後見到周圍嘅精靈訓練員，開始有啲激動，聽佢哋講，先知呢首原來係《寵物小精靈》Gameboy年代嘅背景音樂。
＜互聯網圖片＞
望住眼前呢班人，因為一首背景音樂，已經開心到笑晒口，俊賢忽然諗起王家欣，同自己行去巴士站時嘅笑容。
「唔知你有無玩呢隻Game呢？」
究竟搵到家欣難啲，定係捉超夢夢難啲呢？如果搵到，咁又會點呢？
俊賢望住眼前嘅人群，望住漆黑一片嘅大海，好想搵到答案。
P.S. 角色名借用《王家欣》名稱，純粹覺得故事主題相似，同電影故事無關
P.S.2 假如大家喜歡呢個故仔，小弟會嘗試以王家欣角度，寫埋係俊賢平行時空下，有過一面之緣既呢位「100％女孩」
筆者的Facebook專頁「講樂．過路人」，也有更多廣東歌跟大家分享，希望多多支持！
https://www.facebook.com/shingster1412/
＜互聯網圖片＞
兩年前，俊賢鍾意咗個女仔，可惜只有一面之緣，亦都冇聯絡方法，唯一知道嘅係，佢叫家欣，而且都係住大埔。一直以嚟，俊賢都想搵番家欣，無奈行勻成個大埔，始終再冇佢嘅下落。
呢段尋找嘅開始，要從兩年前開始講起。俊賢啱啱搬入大埔，對呢個地方零認識，感覺呢度就好似個迷宮，隧道天橋唔知邊條打邊條，偏偏又趕住要搵架巴士過海，糊里糊塗之間，就行到八號花園對出嘅日規公園。
＜互聯網圖片＞
就喺呢度，俊賢第一次同王家欣見面，亦都係唯一一次見面。
每次講起或者諗起呢個女仔，俊賢都會感覺，佢就係村上春樹筆下，嗰位「100％女孩」
＜互聯網圖片＞
「並不是怎麼漂亮的女孩，也沒穿甚麼別緻的衣服...可是從50公尺外，我已經非常肯定，她對我來說，正是100％的女孩...」
俊賢向呢位「100％女孩」，問起過海巴士應該去邊度搭，然後「100％女孩」就順路同俊賢行到巴士站，短短5分鐘嘅交流，變得好長好長…
「100％女孩」原來叫家欣，原來都係住大埔，臨走時仲流露一個嘴角微微向上翹嘅動人笑容。
不過，當呢位「100％女孩」揮手離開，消失眼前後，俊賢自此都冇再見過佢。
俊賢好想搵返呢個家欣，但係茫茫人海，可以點搵？遊走大埔碰運氣？俊賢試過，但緣分呢家嘢，愈係刻意，就愈係捕捉唔到。
直到見到呢隻《Pokemon Go》，捲起嘅熱潮反轉成個香港，幾乎全民變身「精靈訓練員」，無時無刻都喺條街度貢來貢去，目的就係要捉精靈。
＜BBC圖片＞
其實由細到大，俊賢都只係鍾情偵探漫畫，所以對《寵物小精靈》真係冇咩特別感覺。對於能夠將百九幾隻精靈名，倒背如流嘅高手們，俊賢只係覺得一頭霧水同難以置信。
行出街，當有個人拎起電話，好專心咁做緊一樣野但又好唔專心咁望你，呢個就係精靈訓練員。
＜互聯網圖片＞
望一望成條街，真係個個都係精靈訓練員。通街都係人，你話行街撞到熟人，一啲都唔出奇，而事實上，俊賢前一晚番屋企嗰陣，就已經撞番一位好耐冇見嘅中同。
印象中嘅呢位中同，一向都係個9upper，初中嗰陣就聽佢講過，志願要好似小智咁，做個精靈訓練員，有邊個估到，呢個咁九唔搭八嘅想法，隔咗咁多年，居然會透過遊戲實現。
俊賢望住呢位中同，孖住佢女朋友，揸住手機喺度捉精靈，心裡面忍唔住講句：「9upper，恭喜你願望成真！」
有趣嘅係，偶遇呢位中同嘅位置，正正係俊賢同家欣，初次邂逅嘅八號花園場景。
「既然中同都撞得番，點解家欣唔可以？」呢種無厘頭嘅想法，忽然係俊賢腦海裡面浮現。
＜互聯網圖片＞
就係呢份所謂嘅熱血，或者係FF到燒壞腦嘅一團火，對《寵物小精靈》認識只限於比卡超同噴火龍嘅俊賢，就跟大隊download咗呢隻game，成為精靈訓練員嘅一份子。
然後俊賢好理所當然咁，好似其他既《Pokemon Go》嘅玩家，拎住部手機周圍走，埋首做「低頭族」捕捉精靈。
當俊賢遊走大埔嘅時候，就諗起自己兩年前，亦都試過喺大埔行嚟行去，希望捕捉到下次見家欣嘅機會。
有意無意咁喺大埔貢咗段時間，行到俊賢都開始熟晒大埔，行到俊賢開始都覺得有啲「癡漢」，行到連尋找家欣嘅動力開始減弱，估唔到事隔兩年，反而有成批大埔街坊，好似自己咁喺大埔貢。
同樣係遊走大埔，但成件事已經冇人再覺得奇怪，因為個個都係咁，唔行又點捉到精靈！
俊賢唔知道，捉到精靈其實代表咩，亦都唔明白，點解捉精靈周圍行唔奇怪，而自己想搵番某個人，喺大埔周圍走，會連自己都覺得「癡漢」...
不過望見成個大埔，無論係大明里廣場，定係大埔海濱公園，抑或係大埔廣場，總之每個大埔嘅角落，夜晚都變得人頭湧湧，個個化身精靈訓練員，俊賢愈嚟愈覺得：「咁多個精靈訓練員裡面，話唔定其中一個就係家欣！」
大埔墟有得捉九尾，大埔河有鯉魚王，廣福橋有紅唇娃，太和商場有乜，富亨有物...
對於俊賢黎講，唔識呢D精靈名唔重要，因為俊賢玩呢隻game，本來就只係想摩擦更多再遇家欣嘅機會。
真係摩擦得到？當俊賢搭完程小巴之後，更加覺得唔係天荒夜談。
＜互聯網圖片＞
.JPG/revision/latest?cb=20150326181122&path-prefix=zh)
俊賢收工搭紅van返大埔，成車人本來三唔識七，但就因為呢隻game，因為其中一個西裝友，要捉一隻唔知叫咩嘅精靈，就喺小巴上開啟呢個《Pokemon Go》mode，你一句我兩句，互相搭訕，再研究捉精靈既對策...
當你連隔離屋姓咩都未知嘅時候，一程半個鐘都唔夠嘅小巴，竟然足夠你同幾個陌生人，單純到因為一隻精靈而混熟，成件事實在太amazing。
對於俊賢嚟講，其實精靈訓練員做嘅野，感覺就好似兩年前自己要搵家欣。你永遠唔會知道，會喺邊度，邊個角落，捕捉到咩嘢精靈。
家欣就代表住嗰隻最難捉到，屬於傳奇級嘅超夢夢。咁易畀你捉到既精靈，佢就唔係超夢夢，而係波音蝠啦。
＜互聯網圖片＞
超夢夢，你喺邊度，快啲出現好唔好…
呢晚，俊賢又揸住部手機，環繞大埔周圍走，美其名係出去跑下步，其實只係又再尋找家欣，但旁人又會以為佢去緊捉精靈。
原因係咩其實唔重要，反正俊賢同所有《Pokemon Go》玩家一樣，都係有啲無所事事咁搵緊一啲嘢，一啲唔知搵到又點嘅嘢。
半跑半行，由太湖花園走到大埔海濱公園，沿住海傍走到平時間中有人會喺度釣魚嘅空地。不過呢晚嚟得呢片空地嘅，當然都係嚟捕捉精靈啦！
忽然，聽到一陣懷舊嘅聲音，愈來愈近咁傳過黎，原來有位仁兄，踩住單車開擴音器播歌。
俊賢唔知佢播緊咩歌，只係感覺有種懷舊既味道，然後見到周圍嘅精靈訓練員，開始有啲激動，聽佢哋講，先知呢首原來係《寵物小精靈》Gameboy年代嘅背景音樂。
＜互聯網圖片＞
望住眼前呢班人，因為一首背景音樂，已經開心到笑晒口，俊賢忽然諗起王家欣，同自己行去巴士站時嘅笑容。
「唔知你有無玩呢隻Game呢？」
究竟搵到家欣難啲，定係捉超夢夢難啲呢？如果搵到，咁又會點呢？
俊賢望住眼前嘅人群，望住漆黑一片嘅大海，好想搵到答案。
P.S. 角色名借用《王家欣》名稱，純粹覺得故事主題相似，同電影故事無關
P.S.2 假如大家喜歡呢個故仔，小弟會嘗試以王家欣角度，寫埋係俊賢平行時空下，有過一面之緣既呢位「100％女孩」
筆者的Facebook專頁「講樂．過路人」，也有更多廣東歌跟大家分享，希望多多支持！
https://www.facebook.com/shingster1412/
請按此登錄後留言。未成為會員? 立即註冊